唔得咁樣轉軚㗎喎！
藝人黃翠如近日留在家中避「炎」，繼日前佢發文指全力投入煲劇後，又有新搞作，就係下廚大玩煮飯仔。事緣佢喺屋企上網睇片時，見到蔡一傑嘅Youtube Channel教整雞，就忽然心血來潮挑戰煎雞翼。不過身為「地獄廚神」嘅佢，當然唔係浪得虛名啦，佢喺社交網大晒製成品，見啲雞翼隻隻都燶晒，連佢都忍唔住笑指：「聽說大家待在家的日子，很多女士都變成廚神。我也一盡點綿力......不知是火出了問題，雞翼出了問題，還是燈光出了問題，黑了一點點。好吧，仍需努力。正所謂，好又一餐，好好又一餐。」
雖然稍有失手，但老公蕭正楠就好識做，賣口乖氹老婆：「黑咩？點解我睇唔到嘅？」翠如乘機話「聽日再煮」，即嚇窒蕭正楠，急轉軚表示「聽日食齋」，兩公婆互動相當搞笑！
來源 source: http://hk.on.cc
|
鍾意就快D Share啦！
|
|
|
