拍戲太投入 Aka@SG發夢妹妹要離開爆喊
剛於2月15日度過33歲生日的女子組合Super Girls（SG）隊長趙慧珊（Aka），其主演的微電影《最好的禮物》今日於網絡上正式推出！微電影中，Aka首次與同公司的余潔瀅（Zoe）合作，飾演充滿妒忌怨恨的兩姊妹。
Aka表示拍攝時心情長期處於低落和波動，充滿挑戰性。她透露戲中受到妹妹多次傷害︰「故事係講妹妹出於妒忌，佢多次傷害我同欺負我，令我好心痛同傷心。」
對Zoe演出她的妹妹，Aka大讚對方「得意」，拍攝後二人也變得熟絡。Aka說︰「佢真係好得意，我成日諗要唔要諗住我現實中的妹妹去代入佢，但當見到佢，就好鍾意佢，好快投入，當咗佢係我妹妹咁。」
現實中與妹妹感情要好的Aka，直言靠朋友分享的經歷去代入，說︰「現實中我同妹妹感情好好，不過身邊朋友同屋企兄弟姊妹關係都未必咁好，有聽過佢哋嘅經歷，所以好快代入角色。」她又謂太入戲曾發惡夢︰「試過發夢妹妹要離開我，我第一次喊到收唔到聲，起身仲喊緊，我打畀我妹妹，話我發夢佢要離開我，佢反應係『you are so sweet』，不過當時真係好驚。」
Zoe就透露與Aka在樹林拍攝「攤牌」一幕後病倒，表示︰「當時係凌晨時份，而且好凍，又著高跟鞋，山路唔平，結果最後病咗，有少少傷風，導演都病咗。」問到她現實中有否曾與家姐余香凝鬧得不快，甚至出現妒忌怨恨？Zoe說︰「大家實有鬧交，但好快冇事，因為佢始終為我好，唔會做傷害我的事，所以唔會似微電影入面咁。而且大家由細到大一齊生活，有一排唔見都會掛住對方，會覺得冇人同我傾心事，我應該做唔到戲入面咁狠心。」
來源 source: http://hd.stheadline.com
|
鍾意就快D Share啦！
|
|
|