- 【陸浩明爆喊道歉】Ben Sir撐「6號」 借題插政府：千錯萬錯個源頭一定係隻臭X
- 31分鐘前
今時今日，講咗一句說話可以掀起一場風波。
「6號」陸浩明因為早前在無綫J2台皇牌節目《後生仔傾吓偈》，將03年SARS源頭講錯:「香港是那個病毒的源頭。」，就算拍檔馮盈盈即場糾正，及之後「6號」本人在社交網出文道歉，都未能平息，現在港人再一次受內地隱瞞冠狀病毒所累，及政府無能應變措施的怒氣。
結果面對大台收到通訊事務管理局的六百多宗投訴下，「6號」昨日聲淚俱下再道歉。跟他合作過的Ben Sir，見「6號」飽受壓力，甘冒網民圍摷，與「6號」攬炒之險，挺身維護，認為他早為自己過失言論負起責任，公開道歉，已值得欣賞。「出呢個post之前我都要諗過度過，雖然我唔出聲冇人話我啞，雖然我照出聲亦吹我唔漲，因為我係任性嘅。陸浩係我拍檔，一齊做過3輯ben sir睇樓團，做過talk show……彼此建立咗某種關係。對於佢講錯嘢，認錯兼盡早道歉，呢種做法我係欣賞。我亦唔可以唔撐佢，因為我哋要拍bensir睇樓團4輯。」Ben Sir，咁都俾你搵到位宣傳。
最後結論，都不忘借題抽擊阿娥！Ben Sir續說:「之前反送中期間，亦有KOL照樣瀨嘢，姑勿論表唔表態。藝人，KOL，以至社會每個階層都搞到咁分化，千錯萬錯個源頭一定係隻臭X。」
Ben Sir一撐，網民插與認同各半，有人話:「道咗歉就算，人誰無過，下次要小心了。」、「Ben Sir超欣賞你敢言，不割蓆精神。」亦有人唔收貨，寸Ben Sir，「6號道唔道歉無人想知，Ben Sir對TVB不離不棄先係重點。」、「『因為我哋要拍bensir睇樓團4輯』，明晒，果然有奶便是娘，有嘢拍有出鏡，有錢收就撐，垃圾。」，有網民叫Ben Sir轉場去ViuTV主持另一個睇樓節目。
亦有心水清的網民，指出「6號」雖然講錯嘢，但有份負責該節目嘅監製或導演亦責無旁貸，錄影時竟無察覺出錯，不刪走錯誤資料，照樣出街。
「6號」呢舖禍從口出，無心之錯抑或過於輕挑之過，只有佢先知，不過外界反應之大，唔知跟佢身份---肥‧媽‧契‧仔，有冇關係？
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
|
鍾意就快D Share啦！
|
|
|