網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年2月18日 星期二

志偉成龍與警務處處長唱《朋友》PK鄧:我做警察都係學你哋 #成龍 #曾志偉

香港人靠自己全力同武漢肺炎打仗,成日自我吹噓係「真英雄」同「忠誠勇毅」嘅綠色物體高層,就放低抗疫工作,包房同明星飯照食歌照唱最自high同happy。 ...






香港人靠自己全力同武漢肺炎打仗,成日自我吹噓係「真英雄」同「忠誠勇毅」嘅綠色物體高層,就放低抗疫工作,包房同明星飯照食歌照唱最自high同happy。

網上噚日有片流出,警務處處長PK鄧同班手下,包括警務處人事部遴選委員會總警司謝振中、公共關係科總警司郭嘉銓同高級警司江永祥,仲有「光頭警長」劉澤基,齊齊去晨曦明星足球隊晚宴,片中PK鄧好興奮發言,話見到好多偶像,由成龍開始數到譚詠麟、曾志偉,之後向班廢老級藝人送高帽,「其實呢,點解我喺區議會講嘢咁叻?就係聽志偉嘅《開心字典》」,更自爆「唔知點做警察」,「我做警察係學成龍大哥、學方中信,全部都係學你哋……睇吓睇吓就識做,唔知點解。」最後仲一齊唱咗首《朋友》。

原來成龍同曾志偉係鄧炳強嘅「啟蒙老師」。


室內食煙獲包庇

八方睇完覺得心慌慌,一來疫情肆虐,呢班人一齊聚餐唔戴口罩又握手影相,更心寒係堂堂警隊一哥,可以厚顏話自己向藝人偷師學做警察,佢學嘅成龍同方中信演嘅警察角色,會無視紀律、公報私仇兼妨礙司法公正,原來呢啲就係PK鄧眼中嘅警察楷模?

當晚出席人士中,仲有襲擊市民坐完監嘅退休警司朱經緯,佢同好多個藝人同警隊高層合照,結果因為咁畀自己隻衫袖出賣,連登網民發現,佢係呢批片同相嘅疑似源頭,亦發現當晚有人違法室內食煙,但結果就獲Popo包庇。

八方問過PPRB,佢哋話警隊16號喺公餘時間同一支足球隊踢波,之後一齊聚餐,費用由雙方共同承擔,仲話活動屬私人性質。問題係,PK鄧當晚同現場人士講咗句:「大家係老友,全部在心中,唔使講嘢,只要你哋畀個手指公我哋,我哋赴湯蹈火,在所不辭。」,喺私人場合向一班「老友」用自己公職身份作出咁重大承諾,究竟係濫用緊職權定已經係公職人員行為失當?

李八方

疫情肆虐之下,謝振中企喺譚詠麟旁邊開心唱歌。


因襲擊市民坐完監嘅退休警司朱經緯,同張智霖合照。



鍾意就快D Share啦!