【父母困船上】鑽石公主號確診個案急升 森美感憂心：好似唔樂觀
停泊於日本橫濱的鑽石公主號郵輪，截止今晨已有454人確診新冠肺炎（前名：武漢肺炎），成為感染人數最多的郵輪！日前，森美透露父母不幸搭上鑽石公主號，目前滯留船上「隔離」超過10日，雖然港府將安排兩架包機接回香港乘客，但森美仍難免為雙親感到憂心，他今晨於主持的商台節目《早霸王》中，表示最初聞說潛伏期為14至20日，患者通常於第4至5日出現病徵，故見父母到5、6日都無徵狀便較安心，惟近日卻開始有點擔心，皆因他亦覺得似乎不太樂觀，森美說：「噚日見到確診個案中有70個係無病徵，即係分隔咗11、12日有確診，即係有新感染，同埋可以潛伏咁耐。」
談到因未清楚船上的傳染源頭，乘客惟有在房中隔離，森美直言也有叫媽咪沖涼時用濕毛巾封實渠位，平日亦要倒水落去，又稱：「因為係中央冷氣出風，喺門口同廁所抽風走風，𠵱家都叫父母喺房中戴口罩。初時職員送餐係無封，經要求後已經放入盒，水就無問題，係樽裝水，但就叫佢哋唔好同職員交談，因為之前有檢疫人員都確診，而餐具就要用滾水洗，不過我叫佢哋好似滾奶樽咁，煲五分鐘。」至於父母的測試報告，他指預計要兩日時間才有結果，希望一切平安無事。
對於是否想早日跟父母團聚，森美表示：「最重要係父母先離開郵輪，其他事都係次要，因為船上確診個案每日增加，再唔落船就慢慢有被傳染嘅可能。」拍檔阮小儀則謂，有乘客表示不想回港後再隔離14日，森美指經過快速測試後，應可證明體內沒有病毒，故比從其他地方入境，只靠探熱及填寫申報表更安全，但他強調以上不想再被隔離及入境安全理論，並非自己和父母的看法，並謂：「作為仔，唔係我不孝，我情願佢哋返港後入隔離營，因為地球很危險，佢哋入住隔離營我會心安啲，因為嗰度安全，佢哋又測試咗無事，我媽咪話都係，但暫時未知結果，再睇下點再討論。」
來源 source: http://hd.stheadline.com
|
鍾意就快D Share啦！
|
|
|