呢個老公真係唔話得！
疫情下除咗一罩難求，全城仲掀起搶廁紙及搶米潮，出名廿四孝老公嘅藝人張穎康，亦為屋企四處撲物資，晨早流流趁超市未開門已經去排隊，可惜唔夠一班工人姐姐爭，只係買到一包米。之後張穎康再接再厲，走到藥房成功憑迷人電眼買到廁紙及清潔用品，難怪老婆麥雅緻貼上網表揚！
她留言：「張生今日嘅戰績！話說屋企廁紙剩番三卷，米就剩番少量⋯ 咁佢就話今朝佢早啲出去啦⋯ 超市開8點，7點半夠早喇卦⋯ 點知佢話去到已經有3、40人（大部份工人姐姐）排住隊等入去⋯ 一開門好似喪屍咁衝呀跑呀⋯ 佢話唔忍心摧毁自己嘅形象所以冇喪跑⋯所以只係買到一包2公斤米⋯下晝佢好頹呀！黃昏再出動去買餸⋯ 憑着佢迷死人嘅一雙眼睛（戴口罩鬼睇到你個樣）同親民無粗口嘅個性，終於⋯ 藥房阿哥喺人少少嘅情況下，靜悄悄攞咗條廁紙出嚟喇⋯ 嘩！張生好開心呀！佢話唔需要再諗住要慳而用兩格廁紙啦⋯ #冼手液超市上咗架即幫朋友買 #細包紙巾開箱買到 #咁樣買嘢係咩玩法」
來源 source: http://hk.on.cc
|
鍾意就快D Share啦！
|
|
|
