雙雙出走杜拜 朱晨麗給何廣沛獻出第一次
朱晨麗與緋聞男友何廣沛近日經常合作，在劇集《大醬園》談情之餘，之前還一齊去杜拜拍旅遊節目《3日2夜》，二人朝夕相對幾天，看來感情都昇華不少。
朱朱為此更獻出多個第一次，說：「第一次同何廣沛拍旅遊節目，第一次出埠拍呢類節目，第一次去杜拜，第一次去沙漠，第一次玩刺激高空跳傘，本來劇組取消咗呢個項目，但我極力要求，難得有呢個機會，點都要玩一次，年紀大未必再有呢個膽，趁依家仲夠膽就玩下留做紀念。」
對於杜拜的印象，朱朱表示以往認為只得天氣熱及金碧輝煌，沒想到親身感受過後是兩回事：「去到成個人都好舒服，建築物好靚，去旅行可以選擇杜拜，仲有室內滑雪場，麻雀雖小但設備齊全，乜都有得玩。」
為了今趟旅程，朱朱特別訂造了幾套靚衫，連髮型也視乎不同環境及內容而轉變，過程間也趁機拍下不少靚相。朱朱說：「唔知會唔會係最後一次拍，要把握每次機會，做人都係，抱著最後一次心態就會做到最好，我好珍惜每一次拍攝機會，各方面都會做足準備。」
談到與緋聞男友同行，朱朱謂與何廣沛已合作很久，非常有默契，由於何廣沛拍攝綜藝經驗較多，所以拍攝期間也會向她指導：「佢會話畀我知點樣做會再好啲，撞出火花同話題，令到成件事會再搞笑啲，觀眾亦會投入啲，用學習心態去拍，所以拍得好愉快。」
來源 source: http://hd.stheadline.com
|
鍾意就快D Share啦！
|
|
|
