森美父母被困在鑽石公主號郵輪十多日，幸好兩人武漢肺炎的檢測結果呈陰性，前晚可以乘坐政府包機回港隔離。經過連日來的擔心，森美昨日凌晨在社交平台代父母報喜：「父母終於回港接受隔離，安心多點，多謝曾幫手協助的所有朋友，及專業人士，更感激所有關心的親友朋友好友，抗疫中的每一位，繼續努力！」
「多謝輸出病毒？」
本來只是簡單的交代一下父母情況，想不到森美竟意外打碎疑似「五毛」及「藍絲」的玻璃心，紛紛湧到森美的社交平台留言，批評森美沒有多謝政府：「誰幫你父母平安回港？點解冇多謝政府？冇良心」、「平時小人得志起勢咁插內地、插香港政府，受咗內地嘅恩惠同香港政府嘅幫忙就啞咗。」有網民見森美莫名被大量疑似藍絲攻擊，加入戰團為森美打氣：「垃圾五毛，收皮咁鍾意中共，返內地幫手抗疫啦」、「有納稅，呢啲係政府應該做嘅事，點解要多謝香港政府，多謝你個爛X祖國？多謝你輸出病毒？」
身體健康再論政
對此，森美昨日回覆《蘋果》表示：「多謝關心我嘅人，亦都多謝鞭策我嘅人，令我可以繼續進步。有樣嘢好重要嘅，無論乜諗法乜政見嘅朋友，喺呢段時間上我社交網站睇我嘅，都希望身體健康，咁先可以喺將來日子喺生活當中論政。」
之後森美懶理被藍絲指摘，在社交網貼出為電單車美容的照片，並寫上：「大家在家隔離，搵啲嘢做，女人個個做美容，結果疫情完之後世界都靚晒，男人就為架車做美容！」不少網民留言祝森美一家「好人一生平安」，留言也不見藍絲出現，由於昨日是星期六，有網民笑說：「藍營毛毛，你在哪？五天工作咋？」
採訪：唐琛悠、小米
來源 source: http://hk.entertainment.appledaily.com
|
鍾意就快D Share啦！
|
|
|
