掃呢頁CODE去手機

2020年2月23日 星期日

張藝興:張藝興後空翻失手 面落地撻到郁唔到 #張藝興

真係睇見都痛呀!韓國男團EXO中國籍成員張藝興(Lay)今年《春節聯歡晚會》就同陳偉霆、寶石gem唱跳改版嘅《野狼disco》,吸睛指數高,當中Lay ...




真係睇見都痛呀!


韓國男團EXO中國籍成員張藝興(Lay)今年《春節聯歡晚會》就同陳偉霆、寶石gem唱跳改版嘅《野狼disco》,吸睛指數高,當中Lay仲即席嚟個後空翻,型到佢呢!不過尋日就有當日現場綵排花絮流出,見到張藝興跳完一段型爆舞蹈後,就嚟個原地後空翻,然而佢起跳之後,發覺似乎有啲唔對路,雖然佢已經急忙用左手撐實地板,但衝力太力,膝蓋重重着地,左臉、肩膀同手腕都直接撞喺地板上,佢仲要有幾秒停咗喺度唔郁得,狀況嚴重,嚇到在場所有人都急忙衝上前。


事後Lay在檢查後並未有受嚴重嘅傷,臉部、手部同膝蓋都有輕傷,落咗台就喺膝蓋噴藥,休息一輪又繼續綵排,甚至提議再次嘗試後空翻:「5分鐘之內,如果我再翻一個還是不行的話,就算了啊。」好在到正式表演時都冇再失手,真係嚇死人咩。事後陳偉霆接受訪問時都話,見到Lay撻低受傷後,對方繼續喺後台狂練後空翻,仲要原來佢只係學咗5日,對Lay嘅敬業精神讚不絕口。

來源 source: http://hk.on.cc
鍾意就快D Share啦!