素顏演失戀頹廢Look 衛詩雅頂唔順凌亂場景想幫手執屋
衛詩雅（Michelle）在新片《熟女愛漫遊》擔任女主角，飾演29歲的輕熟女陶莎莎，是一名戀愛和旅遊KOLs，為了將現代女性嘅真實一面呈現，當中有幾場戲Michelle都決定以素顏上陣，不過看回Play back都覺得好自然，話最緊要配合角色需要。
其中一場戲講述即將踏入30歲人生關口前的陶莎莎，突然被拍拖13年的男友Paul（周俊偉飾演）提出分手，深受失戀打擊的莎莎終日宅在家，3日3夜不出街、不打扮，只顧煲劇實行頹廢到底，搞到好友Sabrina（林兆霞飾演）要搵上門，驚她接受不到失戀打擊會自殺。
Michelle表示：「導演初頭同我講，其中一場戲會將我建立多年嘅靚女形象打破，會幫我打造一個最頹廢嘅失戀Look示人，但我覺得做演員就唔會介意本身的形象，所以都叫導演放心搞，結果出嚟第一次定完妝都有少少嚇親自己，不過睇睇吓又覺得頹得嚟都不失可愛，所以都幾Enjoy，因為平時真係無咩機會可以搞到自己咁頹，希望觀眾睇完都會鍾意我呢個咁特別嘅髮型！」
其實拍這場戲最難並非要接受這個Look，反而要適應一個極其混亂的拍攝場景，令Michelle最接受不了。她說：「由於我都係一個愛整潔嘅女孩子，當日去到拍攝現場真係嚇一嚇，因為個景真係設計到非常凌亂，所以排戲走位時要打醒12分精神，記清楚條路點行，驚正式Roll機時會跌倒，但最搞笑係我成日等埋位時會忍唔住想執屋，搞到導演叫我乖乖地瞓返係度當幫忙喎！」
來源 source: http://hd.stheadline.com
|
鍾意就快D Share啦！
|
|
|