化身污漕貓找光明出路 釗峰Sunny攜手帶出期盼希望
C AllStar的梁釗峰和與樂隊Supper Moment的陳仕燊（Sunny），攜手合「作」 新歌《日光》終於正式面世，歌曲鼓勵無論任何崗位和人生階段，都要堅持朝著信念。釗峰和Sunny為了在MV呈現歌詞的概念，分別化身「深山峰」和「礦工燊」污糟邋遢，跑跑跌跌，從黑暗和谷底尋找光明出路！
釗峰和Sunny同期出道，曾為對方的演唱會擔任表演嘉賓，又一齊參與慈善活動去非洲探訪和創作。相識10周年，一個擅長唱慘情歌、一個Rock到爆，歌路不同但信念一致，所以今次不單只合唱，還一同合作填詞，創作過程特別，令他們好難忘。釗峰說：「今次係一個奇怪嘅組合，感覺非常新鮮。其實我哋好有淵源，互相經歷好多對方第一次。所以我當我決定寫一首男男合唱歌嘅時候，Sunny係不二之選，大約一年多前私訊邀請佢，多謝佢好快答應。」Sunny說：「通常歌詞創作係好個人嘅，但今次同釗峰一齊合作寫詞，我哋去過好多地方，包括studio 、咖啡店、寺廟等等，感覺新鮮。」他們表示要寫一首有溫度的歌曲，希望在困難的時候，音樂可以陪伴大家並肩前行。
Sunny說：「我哋首先定咗用『光』做主題，諗吓日光對於我哋城市人，每個崗位或者人生階段同『光』嘅關係或需要。從歌詞第一句『晝夜四面壁房裏窮窗 微小的光圈 八號風霧燈披雨北漂 油詩一打百丈遠』講一位學生挑燈夜讀，然後就發展到廚師面對高溫火光、維修師傅靠電筒光檢查機器、礦工憑光搵出路、攀山遠足嘅人靠光找方向……等等。我會被每日瞓醒，張開眼睛見到光嘅感覺影響全日心情。」
釗峰補充說：「雖然每個人對『光』解讀唔同，但呢首歌所講嘅光可以比喻『希望』，即使只係一點點，好似微不足道，但每個人都要捉緊。」歌詞部份大功告成，云云歌詞中Sunny最難忘第一段，覺得好有畫面。釗峰最難忘最後一句「日光普天照 心裏尚有夢的交響從日光找到永遠」，他說：「我哋填詞過程係由第一句一直寫，順住寫，諗咗好多唔同崗位嘅人，要喺兩句樂旋律寫好一個崗位，對於我哋就係好艱巨嘅任務，真係諗爆頭。最尾一句歌詞就概括整首歌中心思想：期盼和希望。」
|
鍾意就快D Share啦！
|
|
|