網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年3月12日 星期四

【頭條獨家】零防疫意識 拍《食腦喪B》連咀12次 何廣沛江嘉敏𡁻香口膠當消毒 #何廣沛 #江嘉敏

雖然連咀12次,但廣沛話因為太凍太大風,完全冇晒浪漫感覺。
【頭條獨家】零防疫意識拍《食腦喪B》連咀12次何廣沛江嘉敏𡁻香口膠當消毒雖然連咀12次,但廣沛話因為太凍太大風,完全冇晒浪漫感覺。繼《大醬園》後,何廣 ...




零防疫意識拍《食腦喪B》連咀12次何廣沛江嘉敏𡁻香口膠當消毒雖然連咀12次,但廣沛話因為太凍太大風,完全冇晒浪漫感覺。繼《大醬園》後,何廣 ...




【頭條獨家】零防疫意識 拍《食腦喪B》連咀12次 何廣沛江嘉敏𡁻香口膠當消毒



雖然連咀12次,但廣沛話因為太凍太大風,完全冇晒浪漫感覺。

繼《大醬園》後,何廣沛和江嘉敏最近在科幻喜劇《食腦喪B》再合作,今次兩人演一對,仲會有大量咀嘴戲。兩人近日密密開工,日前終於在中環9號碼頭上演首場咀戲,由於當晚好大風又凍,為營造浪漫效果,結果兩人要連咀了12次先拍完。不過在疫情下,兩人似乎對對手好放心,事前冇乜特別準備,只是𡁻吓香口膠當消毒就直接交換口水,何廣沛仲話:「冇理由噴消毒酒精喺個口度嘛!」講到今套劇有唔少咀戲,江嘉敏就搞笑話畀咗唔少錢編審,先至有機會喪咀何廣沛喎!採訪:杜淑霞、李維隆

咀前𡁻香口膠 廣沛和嘉敏咀前問工作人員攞香口膠食。
咀前𡁻香口膠 廣沛和嘉敏咀前問工作人員攞香口膠食。
堅飲助入戲  本來扮飲酒,但有酒精敏感冇乜醉酒經驗的嘉敏,決定堅飲攞番個醉酒feel。

堅飲助入戲 本來扮飲酒,但有酒精敏感冇乜醉酒經驗的嘉敏,決定堅飲攞番個醉酒feel。



劇中何廣沛和江嘉敏分別演喪屍和黑道千金,何廣沛本來勁冧陳曉華演的網紅KOL,後來先同江嘉敏由歡喜冤家愈行愈近。呢晚劇情講江嘉敏借酒消愁同何廣沛狂呻,點知何廣沛突然情不自禁咀咗佢,仲要咀完又好驚咁調頭就走咗去,搞到江嘉敏都畀佢嚇窒。

口氣味勁怪照咀

晚上7點幾,廣沛和嘉敏在碼頭落車,行去拍攝位置的9號碼頭,沿途經過不少街頭表演檔和少量遊客,但兩人依然全程冇戴口罩,幸好其他工作人員和臨時演員都有戴口罩,做足防疫措施。埋位兩人即刻同導演排戲,明知拍咀戲,兩人都好識做𡁻定香口膠,由於場戲講江嘉敏飲醉啤酒,她仲要求工作人員畀真啤酒佢飲,香口膠加埋啤酒味,應該口氣相當獨特。到正式理位,兩人都完全冇因為疫情做任何預防措施,廣沛更加完全冇投訴嘉敏口氣味勁怪照咀落去,認真唔話得。當晚氣溫只有10幾度,加上好大風,要遷就好多嘢下,兩人足足咀咗12次先完成拍攝,拍完啱啱摩天輪都熄燈。其間,未有戲份的陳曉華亦早到探班,仲話專登向師兄師姐偷師學演咀戲。

全程冇戴罩 落車後行去拍攝位置,兩人全程冇戴口罩。

全程冇戴罩 落車後行去拍攝位置,兩人全程冇戴口罩。
頭髮累事  碼頭太大風,搞到嘉敏經常因為頭髮亂要NG。

頭髮累事 碼頭太大風,搞到嘉敏經常因為頭髮亂要NG。



望惡夢快啲完

講番感受,廣沛話:「今日天氣凍,大家都辛苦,你睇佢啲頭髮都吹到亂晒,原本係件好浪漫嘅事,大家變咗好凍」嘉敏話:「都OK嘅,因為我哋一唔使埋位工作人員就攞好多衫畀我哋,同畀好多暖包黐落身上面,其實都好溫暖。」兩人仲話原來這次是重遊舊地,嘉敏說:「4年前我哋喺後面嗰個位錫,係呀!第一次畀咗佢都喺呢度。(廣沛:4年前《親親我好媽》喺呢度定情,我係你初戀呀?我好榮幸囉!可惜你唔係我初戀。)冇嘢bye!」問到疫情下有冇做足措施先咀?廣沛話:「都係食番香口膠,冇理由噴消毒酒精喺個口度嘛,我驚我乸親呀!(嘉敏:我專登唔揀薄荷味香口膠㗎!幾細心呀!揀咗士多啤梨味甜啲嘛!等你有個美好回憶,等你唔好同人講江嘉敏個口臭㗎!)其實我發咗惡夢4年㗎我希望個惡夢可以快啲完。(嘉敏:我頭先本身食Dinner想揀咸魚雞粒炒飯㗎,就係驚臭親佢。)我本來都想嗌,點解我哋唔嗌埋一樣咁就唔會覺得有問題。(嘉敏:唉!蝕咗呀!下次啦仲有機會。)你畀咗幾多錢編審呀?(嘉敏:我啱啱點解NG咁多次,死啦,荷包乾)」

放女神飛機 劇中大玩三角關係,廣沛本來冧曉華,但為了嘉敏竟放女神飛機。

放女神飛機 劇中大玩三角關係,廣沛本來冧曉華,但為了嘉敏竟放女神飛機。

鍾意就快D Share啦!