掃呢頁CODE去手機

2020年3月27日 星期五

梁競徽(前名:梁烈唯):湊夠「好」字!梁競徽爆囡囡勁呷醋 #梁烈唯 #梁競徽

恭喜晒!藝人梁競徽太太Tina日前誕下第二胎,B仔出世時重7磅多,十分大隻,頭髮多多很可愛,現在湊夠「好」字,一家四口相當幸福。全家唔敢出門現處於疫情 ...




恭喜晒!


藝人梁競徽太太Tina日前誕下第二胎,B仔出世時重7磅多,十分大隻,頭髮多多很可愛,現在湊夠「好」字,一家四口相當幸福。


全家唔敢出門


現處於疫情嚴峻之時,競徽受訪時謂:「湊夠個好字好開心。(仲追唔追?)都冇特別話追唔追,呢啲隨緣但我仲有心有力囉!(有冇親剪臍帶?)我有入產房,但冇剪臍帶,因為我怕血,哈哈!又驚剪得唔好,一陣剪落去大喊點算。」競徽表示因疫情關係,現時一家人都沒有出街,就連工人姐姐都沒有出門,免得出事。


努力搵奶粉錢


競徽說現在要更加努力搵奶粉錢:「要放下任性,依家兩個添,真係唔係講玩。(大壓力?)壓力梗係大好多依家大陸同香港都傾緊一啲嘢(工作),要繼續努力。」競徽又指自己對女兒特別偏心,而囡囡彤彤亦好錫細佬,但不讓爸爸抱細佬,他說:「佢呷醋,盡量家姐喺度我都唔抱住,家姐入咗自己房我先抱細佬。」


做網劇男一


昨日是競徽的生日,現時正拍攝網劇的他,獲一班工作人員為他送上蛋糕慶祝,競徽感恩地說:「生日可以喺工作中度過係福氣,朝早時坐車我好想食叉燒,點知真係有得食,心想事成係一個好開始,希望疫情快點過。」而網劇中,競徽首次飾演男一,本身廚藝了得的他更是演一名廚師。



來源 source: http://hk.on.cc
鍾意就快D Share啦!