感情嘅嘢好微妙，彭懷安即使秘婚，仍祝福朱慧敏。
愛在瘟疫蔓延時，於1999年以跳舞組合EO2出道、憑《大帥哥》「麥先根」一角奸出人氣的藝人彭懷安（Eddie）再下一城，他靜悄悄為人生起「革命」，找到終身伴侶漫步人生路！
跟女星朱慧敏結束七年情的Eddie，向來想成家立室，據知他在DJ好友葉文輝（啤梨）的婚宴上認識圈外女友Ivy，在長時間的了解及相處下，日久生情擦出愛火花，並決定今年結婚。為保戀情並顧及到Ivy是圈外人，Eddie一直低調拍拖，只是近年在社交網曾上載數張拍拖照如行山照等，但清一式都是和友人一起的大合照，戀情不露聲色。
在新冠肺炎肆虐下，未有動搖Eddie結婚的決定。原來日前他已秘密申請註冊，擬結婚通知書正式曝光！昨日東網發現他於本月十一日入紙，以原名「彭迪安」作登記，職業報稱為「Businessman」（商人），至於新娘Ivy的中文名為鄭佩儀，職業報稱是「Financial Planner」（財務策劃），和Eddie同樣是41歲，並報住同一個大埔地址。
「開頭覺得佢麻煩」
Eddie接受東網電話訪問承認喜訊，說準彭太Ivy是從事保險業，兩人於2018年啤梨的婚宴上認識，但並非一見鍾情。他說：「當時我做兄弟，Ivy係做姊妹團，因為咁樣而認識。」由於兄弟姊妹團之後常有聚會，日積月累的相處下，慢慢由友情變為細水長流的愛情。
相識、了解再擦出愛火花，Eddie笑言認識Ivy初期，對方給他的印象麻麻：「開頭印象係覺得佢麻煩，因為佢成日好似搶嘢講咁，後來相處落先了解到，可能佢做保險，所以諗嘢轉數好快，連講嘢都會快。相處咗成年，加上大家年紀相若，佢思想成熟，同佢一齊好有平淡是福嘅感覺。」
疫情過後宴親友
決定與Ivy成為終身伴侶，原來是緣於一頓住家飯，Eddie說：「佢好有愛心，同佢一齊好舒服，佢同我媽媽相處得好好，有次我帶佢返屋企食飯，令我好有一家人嘅感覺，令我更加認定佢係我未來太太。」至於是否奉子成婚？Eddie即否認：「絕對唔係，反而我真係好恨做爸爸，真係好鍾意小朋友，我都成日湊仔、湊個姨甥㗎，所以湊仔方面我好熟。結婚後順其自然，當然早日做爸爸會更開心，可以令媽媽早啲抱孫。」
由於疫情關係，Eddie說稍後會先低調簽字註冊：「加上本身今年酒樓啲期都爆晒，所以簽字後兩家人食餐飯先，疫情過後睇吓點搞，先再請朋友食飯。」問到會否把喜訊通知舊愛朱慧敏，他說不會刻意，並衷心祝福對方幸福快樂。
來源 source: http://hk.on.cc
|
鍾意就快D Share啦！
|
|
|