掃呢頁CODE去手機

2020年3月16日 星期一

【兩面不是人|勞煩關公】姜濤like藍絲留言捱罵 又被梁振英出post狙擊 #姜濤 #梁振英

上年9月尾,姜濤成功同網友weconnect,網友仲話以後要學班C9fans叫佢姜B。點知今日,姜濤又淪為網民口中人人得而誅之嘅大陸仔,話佢藍。藍都可 ...






上年9月尾,姜濤成功同網友we connect,網友仲話以後要學班C9 fans叫佢姜B。點知今日,姜濤又淪為網民口中人人得而誅之嘅大陸仔,話佢藍。藍都可以搵到食嘅,但好死唔死,梁振英又狙擊佢。20歲嘅姜濤呢舖真係兩邊不是人!

事情始末就咁嘅,話說《蘋果日報》IG Page出咗個post,報導「香港首宗巴士司機確診」。隨即有人留言:「廢青仔,快啲移民英國,英國首相叫你哋生死自理啦。」留言者立場一睇就知親中仇外啦,而且有同道中人like個留言,估唔到嘅係,姜濤係其中一個。

喺反修例運動高峰期嘅某個星期日,姜濤曾經黑衫黑褲黑帽黑口罩現身銅鑼灣,仲要俾「忠誠勇毅」截查。有圖有真相,網民當時立即同姜濤connect,話佢係手足,以後親切啲叫佢姜B。但,姜濤依家咁樣like親中者嘅留言,可謂前功盡廢,即被網民唾棄unfollow。

姜濤被指摘為藍,順勢考慮賺人仔都好喎,等大陸武漢肺炎疫情告一段落之後實爆紅(如果可以的話)。不過,基於兩日前即3月14日白色情人節,有fans為姜濤喺《蘋果日報》落咗成版廣告,令佢成為689狙擊對象。

呢次藍又唔係,黃又唔得,個彈肯定難拆過「忠誠勇毅」成日聲稱檢獲斷公斤甚至噸計嘅炸藥及炸藥原材料!

最後,姜濤親自解畫:「完全係我自己嘅責任,手指真係太肥了...」呢個解釋,聯想起佘詩曼之前喺IG like完反送中,被大陸人鬧就彈弓手收返。

姜濤最新解釋:「真的非常抱歉,造成各位的困擾。作為公眾人物應該非常小心自己的一舉一動。這次的事件完全是由自己不小心所造成的。以後一定會注意,再次的深感抱歉。」



----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

]

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤


鍾意就快D Share啦!