2020年3月8日星期日

【提早慶祝】陳茵媺女兒陪切蛋糕劉倩婷為囡囡搞沙灘生日P #劉倩婷 #陳茵媺

【提早慶祝】陳茵媺女兒陪切蛋糕劉倩婷為囡囡搞沙灘生日P

李丞責及劉倩婷為囡囡喺沙灘搞生日P。

因為疫情嚴峻，專家都講呢段時間盡量唔好同朋友搞聚會，不過李丞責太太劉倩婷就唔太驚，啱啱就為3月19日就4歲生日嘅囡囡李仟辰(Eldora)搞咗個沙灘生日Party，出席者包括老友陳茵媺同佢個囡囡Camilla。沙灘夠開揚，較室內應該安全好多。

從劉倩婷的社交平台所見，壽星女有一個特別訂造嘅立體蛋糕，蛋糕上有英文名，有個迷你版李仟辰，仲有四個卡通公仔，靚媽話為囡囡感到驕傲，因為喺呢個艱難時間，囡囡變得堅強同充滿愛心，佢仲爆囡囡嘅生日願望，就係下一年能夠有一個BB可以同佢玩，語畢靚媽留下無眼睇同心心眼嘅Emoji，你囡囡嘅願望，靠晒你嘞。

而細過Eldora一個月嘅Camilla就陪壽星女切蛋糕，睇嚟真係好老友喎。