趕唔趕得切？
藝人楊卓娜一家、林盛斌（Bob）一家及薛家燕一家等現身電視城，為《流行經典50年》錄影母親節特輯，場面相當熱鬧，大會向在場嘉賓母親送上鮮花表心意。
楊卓娜受訪時談到妹妹楊怡預產期，她透露：「可能呢個母親節會好特別，佢應該生咗嘞。（順產定開刀？）開刀。（依家因為疫情，未必探到BB？）要等佢安排，醫院會有指引。」
問到準備了甚麼禮物送給姨甥女？她說：「會送啲可以保值嘅嘢。好多朋友送衫仔畀BB，加上又有贊助嘛，我都想做啲小手工，但開咗頭未埋尾。（阿怡心情緊張？）佢都唔算，因為有我媽咪，又有佢奶奶，仲有我都可以陪佢坐月，反而擔心佢唔夠時間休息。」
原來楊卓娜女兒生於母親節，當被問到慶祝活動，她表示：「暫時諗緊會喺屋企BBQ或者打邊爐慶祝。其實往年都會同晒所有屋企人一齊出去食飯慶祝，但今年有禁聚令，所以分開各自留家食飯啦。」
來源 source: http://hk.on.cc
|
鍾意就快D Share啦！
|
|
|