熱爆娛樂: 【獨家】前港姐楊斯雅硬搶人夫大婆晒結婚證書踢爆惡行 #楊斯雅 #港姐

2020年4月21日星期二

【獨家】前港姐楊斯雅硬搶人夫大婆晒結婚證書踢爆惡行 #楊斯雅 #港姐

【新增內容】

被封「性女」的前港姐楊斯雅（Cindy）離開娛圈後，仍然新聞多多。2017年除夕，Cindy與無綫藝訓班出身的男友Samuel陳光耀（原名：陳宇翔）擺酒，怎知其後有讀者爆料，指男方已有老婆J小姐（化名），Samuel則堅稱跟J小姐早已分手；怎料兩年過後，大婆J小姐終於要爆seed，近日她向《蘋果》提供了跟Samuel結婚證書，踢爆Cindy搶人老公！

原來，Samuel一直做「陳世美」不認妻，於2017年11月22日先跟J小姐結婚，同年除夕卻公然與Cindy擺酒，偷食唔抹嘴！《蘋果》聯絡到大婆J小姐，她不留情面踢爆賤男惡行：「我哋有結婚證書㗎！我同佢（Samuel）拍拖10年，一直都冇分開過，喺2017年11月22日結婚，之後生咗小朋友，囡囡已經接近兩歲。婚後佢搬咗嚟我度住，每星期full day（留家）3晚左右啦，成日都話返大陸做嘢、拍嘢或返舖頭，返嚟一陣又走咗。」

J小姐坦言一直知道Cindy的存在，她說：「佢（Cindy）咁張揚，又進取，好耐之前佢PM過我，話好唔鍾意我，因為我同呢個男人一齊，我真係唔識點答，佢後來block咗我，未正式見過面。」老公偷食唔抹嘴，令J小姐陷於混沌的狀態，她說：「當年睇到新聞，屋企人都好嬲，佢講好多理由，話唔係（同Cindy）一齊點點點...咁梗係接受唔到啦，但你鍾意佢都冇辦法，惟有忍！」直到去年9月，J小姐因為一段短訊，終於忍不住提出離婚，她說：「有次見到佢（Samuel）個電話，我奶奶WhatsApp我老公，話佢會去探楊斯雅嗰對孖仔，真係嬲，原來佢全家人都呃住我，今次真係冇彎轉，我同佢講離婚一刻，已經清醒咗！」

問到Samuel有沒有挽留這段婚姻？她說：「佢有話唔好，一直否認同呢個女人一齊。佢好似入咗平行時空咁，我呢啖氣真係吞唔落，屋企人為咗我好唔開心，既然決定離婚，就唔怕講。」而Cindy最近接受一個財經訪問，亦有提到「老公」，J小姐嬲爆說：「我覺得要出聲，始終未進入法律程序，我仲係佢合法老婆。」

對於被指公然背妻偷食，《蘋果》致電向Samuel求證，他說：「哦，邊個報料？咁奇怪，係咪我前妻？」記者追問跟J小姐已離婚？Samuel匆匆說：「離咗啦，啱啱簽咗紙。」再追問離婚日期？他不慎爆響口：「我唔記得實際日子，新年左右，我轉頭同你傾，而家有嘢做，我都要打畀佢同佢傾，問吓佢乜事，我冇踏兩船。」Samuel口口聲聲否認腳踏兩船，但卻誤爆新年才離婚，即是前年跟Cindy一起時，仍是人夫身份，出賣了自己偷食的證據。記者再致電向J小姐了解，她說：「到呢刻我哋都未簽紙，律師話要分居半年。」而被指搶人老公的Cindy，在電話說：「唔好意思，我做緊嘢，你問番佢啦。」

-----------------------------

App內1-Click訂閱《蘋果動新聞》

按此了解更多

（ IG圖片/受訪者提供）

J小姐與陳光耀在2017年11月22日正式簽紙結婚，當時還與一眾親友合照。（資料圖片）

楊斯雅一直叫Samuel做老公，J小姐卻拿出結婚證書做證據，證明自己才是正印。（圖片由受訪者提供）

來源 source: http://hk.entertainment.appledaily.com

楊斯雅老公陳光耀前妻提供證據指有人講大話　楊斯雅將會法律追究

然而J小姐就對傳媒直斥兩人講大話，澄清她與Samuel的結婚證書絕非P圖，而且偽造虛假文件是刑事罪行，這樣說她隨時會令她惹官非，也影響到她的聲譽，揚言Cindy如果有證據大可訴諸於法律，而並非口講無憑。J小姐更拿出女兒由澳門特別行政區民事登記局發出的「出生登記之敍述證明」正本，父親一欄是陳宇翔，即Samuel的原名，而女兒亦是姓陳。她不明為何過Samuel連女兒都不認，又表示可以去驗DNA證明。J小姐表示去年10月由她提出離婚，一直分居至今，日前已正式簽紙離婚。另外，Cindy昨晚就於她的IG出post表示會對失實報道採取法律行動追究。

點擊下圖逐格睇楊斯雅嘅相：

Cindy成日拍片放上youtube爆娛樂圈秘聞。(ig@cindyyeung圖片)

《香港電影我撐場民選大獎2020》全民一人一票，用行動撐本土！

https://hkmovies2020.hk01.com

旗艦智能手錶 Series 5、Dyson風筒等豐富獎品等你羸!

本文作轉載及備份之用來源 source: http://www.hk01.com

楊斯雅疑似搶人老公　曾出三段片大爆娛圈樂黑幕

《香港電影我撐場民選大獎2020》全民一人一票，用行動撐本土！

楊斯雅中學時已擔任模特兒，於瑞士大學畢業後回港繼續擔任模特兒，在2012參選港姐但落選，然後簽約無綫拍劇、綜藝，不過在2015年因被揭發私下為自己生意宣傳而被無綫雪藏，然後主動提出解約，全力做生意。

楊斯雅除了經營性玩具店，更在網上設有自己的頻道做KOL！上年年中，因為受到性上癮張致恆Steve被踢爆一腳踏多船的事件啟發，她拍了一條短片放上Youtube，大爆娛樂圈中其實有不少賤男喜歡到處「約炮」，無差別地向身邊女藝人下手，總之可以說是但求就手，係女都唔放過。Cindy自爆曾經遇過5至8位男藝人聯絡過她，想向她出手，不過她完全沒有中伏。而她之後跟其他女藝人提起這些事，就發現原來那些男藝人會向個個女藝人都用相同的招數，以漁翁撒網式去「約炮」。

即睇佢講嘅圈中賤男「約炮」三招：

還有，在「楊斯雅 – 爆港姐黑幕？」一片裏面，Cindy便指自己認為無綫（TVB）舉行每屆港姐都會有自己的「心目中三甲人選」，但參選佳麗往往不知自己被內定，她更以自己參選一屆為例：「我同（冠軍）張名雅喺模特兒公司識。淘汰賽前夕，我同佢一齊坐旅遊巴，仲估緊邊一個會被淘汰，佢都擔心自己會唔會被淘汰。除非佢嘅演技去到視后級，如果唔係我都唔相信知道拎冠軍，更何況佢都唔需要做戲畀我睇。」她又指該屆季軍朱千雪參選時非常純樸，連化妝都不會，所以不會估到自己最後有份戴后冠：「如果我知道自己會入三甲，我會學咗化妝先。」

Cindy亦在片中指出候選佳麗家境富裕、有背景支持，不等於會最後會成為三甲：「湯洛雯叔叔（湯鎮業）都係演員，最後都唔見佢贏到。」但如果背景是TVB本身則另作別論：「不過，方丈（暗指TVB）眼光係點都唔一定代表你星途係點，始終都係要睇觀眾緣。」尾聲部份，Cindy又指自己聽聞過TVB有考慮腰斬港姐：「所以想選的話就心動不如行動。」

即睇佢係點講喇：

除此之外，Cindy也曾以「女星全部都係雞？」為題，驚爆在電視圈中確有女星賣淫，以及有視后級女星被富豪包養，要到澳門「送外賣」。Cindy表示：「據我所知，喺電視圈中真係拋個身出嚟做，明做嘅呢，係有一個，佢唔算好出名，但係做咗好多年㗎喇，佢有模特兒咁嘅身形，同埋好姣好誘人嘅面孔。據講呢個女藝人係收十萬蚊一晚，至於其他暗地裡喺度做嗰啲就唔清楚喇。我相信都會有嘅，但就唔覺會係好多。至於點解好多人有錯覺娛樂圈好多女藝人做雞呢？其實係因為啲女藝人係求包養，求包養就唔同做雞嘅。求包養主要係想搵個好歸宿啦，例如有啲人會做富豪嘅小三呀，一係就搵啲金融才俊，佢哋真係好鍾意包明星。」

Cindy繼續爆料直言有一線花旦要到澳門「送外賣」，她說：「我收到風，話說有個視后級嘅女藝人，一線中嘅一線嚟，畀個貼士大家，佢好多年好多年都無一啲公開嘅戀情，但其實佢暗地裡係被包養嘅。佢被包養嘅金主唔係喺香港，而係喺澳門嘅，佢每一次去澳門送外賣都會簽嗰個富豪嘅單，佢係坐直昇機過去，我咁啱識得直昇機個空服，所以佢就爆畀我知喇。」另外她又認識一個朋友包養過一位現年約35歲的二線小花，每月收取4萬多元零用錢。她強調被包養不等於做雞：「包養係男女朋友關係，唔一定係有性關係嘅。」

楊斯雅提醒要不然可以用「縮陰gel」，洗澡後將gel擠在紙巾上，再塗抹陰部外圍，讓身體吸收，緊緻。(Cindy楊斯雅@Youtube channel)

楊斯雅提醒，在彎低身體將縮陰球放入陰道時，都可以用潤滑劑幫助!（Instagram@cindyyeung）

楊斯雅表示如果陰道口打開，不只可能出現漏尿情況，更會容易滋生細菌。（Instagram@cindyyeung）

不時聽到有性經驗的姊妹說要縮陰，到底何謂縮陰？楊斯雅指出女性陰道鬆弛的三個原因!（Instagram@cindyyeung）

楊斯雅都不時在店內拍片，之前就講解過念珠菌陰道炎。(Cindy楊斯雅@Youtube channel)

楊斯雅表示利用縮陰球鍛鍊，進行收縮陰道的運動，收緊陰道及盆底肌。(Cindy楊斯雅@Youtube channel)

本文作轉載及備份之用來源 source: http://www.hk01.com

「性女」楊斯雅成人用品生意額激增　關抗疫期間多人留喺屋企事？

前無綫（TVB）藝員楊斯雅（Cindy）現時全面從商大搞成人用品生意，因而被稱為「性女」。身兼YouTuber的她早前拍片回顧一下過去一年抗疫期間是否生意大增，她說：「比起2019年，係升咗大概30%左右，但係我相信今年冇疫情嘅話係更進一大步。」

她亦有在片中分析背後原因，指2019年因社會運動，以及網店、實體店舖配套和系統未完善，所以生意有所影響，而2020年她又落足力拍片宣傳，擴大客源。

點擊下圖觀看相關畫面，以及楊斯雅的IG靚相：