網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年4月1日 星期三

張國榮:最後一次見面!陳敏之難忘哥哥捉住手仔摸心口 #張國榮 #陳敏之

希望哥哥在另一個國度都可以繼續快樂。今日係張國榮(哥哥)逝世17年,因為新冠疫情肆虐,所以好多悼念活動都取消,但哥哥生前的好友都冇忘記過呢位巨星,其中 ...




希望哥哥在另一個國度都可以繼續快樂。


今日係張國榮(哥哥)逝世17年,因為新冠疫情肆虐,所以好多悼念活動都取消,但哥哥生前的好友都冇忘記過呢位巨星,其中曾經同哥哥合作過一次的陳敏之就拍片講述同哥哥相識經過,而呢一次都係佢最後一次見到哥哥,但已經教她畢生難忘。


佢拍片話:「4月1日好傷感同掛念一個人,就係哥哥張國榮,哥哥有一種好迷人嘅魅力,好Cool嘅感覺,但其實佢氣場好勁,但係當佢同我講第一句說話嘅時候,我就覺得佢係一個平易近人冇架子嘅巨星,其實哥哥係我嘅偶像,我細細個係聽住哥哥嘅歌大,佢係我最喜愛嘅男歌手,直至到依家都係,我記得最深刻一次就係同佢合作,呢一次合作亦都係最後一次見到哥哥,好榮幸可以參與到哥哥一首歌嘅MV,歌名叫《怨男》,我記得係要將隻手去觸摸哥哥嘅心口,我係好驚,跟住哥哥叫我唔使驚,佢捉住我隻手教我點樣做,呢個感覺到依家仲記得,最後敏之想同哥哥講,希望你係另一個國度,都生活得好好,We love you。」


而哥哥好友周慧敏為哥哥整了一條影片,但一直想不到用甚麼背景音樂,她寫道:「《如果你知我苦衷》、《追》、《明星》、《風繼續吹》……不,應該是純音樂更合適,Dear Leslie,You’re forever in my heart!Vivian.」


另外,湯寶如都有悼念哥哥,她寫上:「永遠懷念」,而曾與哥哥合作電影我袁詠儀每年都有悼念,她寫上:「當我見到天上星星,總會想起你」

來源 source: http://hk.on.cc
鍾意就快D Share啦!