- 【武漢肺炎｜秘魯接港人】項明生鬧滯留港女公主病 王貽興代抱不平： 最憎雙面人！X街！
- 51分鐘前
武漢肺炎疫情在全球多個國家爆發，遠至南美國家秘魯亦受到波及，更有不少港人滯留當地，日前港府就決定派出包機，接載當地港人回港。日前當地一名港人Tammy（化名）在接受訪問時，指在當地膳食不佳，待遇差等等。結果引來旅遊達人項明生撰寫長文，指責對方「港女」，並稱出發前應「衡量過風險、有被困的心理準備」，「因為這是自己的選擇，與性別身份年齡無關，旅途難關本身就是Backpacking的人生訓練。」以及提及自己當年的經歷，「我也曾經Backpack過十多年，我在秘魯Cusco時曾經去過她被困的Hostel，在斯里蘭卡遇到恐怖襲擊、在俄羅斯俾警察打劫，但是我從來沒有想過要找政府幫手，食得鹹魚抵得渴，自己救自己。」
不過，項明生的留言，就引來作家王貽興的「還擊」，指被滯留當地的Tammy，是於去年出發，並指項明生在疫情期間亦四圍飛，「如果人地十一二月疫情未嚴重嘅時候出發已經俾你鬧到要落十八層地獄死不足惜，咁閣下今年二月仲繼續出發去旅行，又去日本又盛，呢幾個月自認飛過好多次，仲響墨西哥玩果陣掃晒當地嘅口罩同消毒用品擺上網呃like，事後畀人話你就delete post，請問閣下係咪罪加七等？」
王貽興質疑項明生雙重標準，「點解滯留響秘魯嘅除咗呢個女仔仲有香港旅行社嘅廿幾名團員，但你半句都冇批評過，係咪因為閣下同好多旅行社sponsor有太多利害關係，唔敢得罪佢哋，所以雙重標準剩係向無權無勢嘅細路女開炮？」更以Batman角色暗寸項明生：「知唔知Batman入面我最憎邊個壞人角色呢？唔係成日刷存在感嘅謎語人，唔係冇料又要扮四條嘅企鵝人，而係Two Faces，即係雙面人啊！X街！」
有網民更發現，在項明生的留言中，竟然出現「項明生」的回覆，該留言說：「項生鬧得好寫得好，講出好多香港人嘅心底說話，現在大部分香港嘅年輕人就係對自己嘅行為唔負責任，全部都係一個字姓賴嘅」，被網民質疑項明生忘記轉換帳戶出po。
----------------------------
【壹週刊 武漢肺炎專頁】
緊貼防疫資訊！口罩訂購情況、確診個案、病徵潛伏期、封關國家名單、保險點賠？
與你遠離瘟疫 睇清官謊！
立即睇
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
|
鍾意就快D Share啦！
|
|
|