老公宅在家多磨擦 何嘉莉：有時會睇唔順眼
育有一子兩女的何嘉莉今日出席商台節目談及母親節話題，她笑言自從有小孩後會簡單度過母親節，因為湊住小孩出外要好大陣仗，又謂第一次收到大仔Jean寫母親節咭送給她，感覺好冧又激動，搞到眼濕濕。她說：「大仔送的特別日子咭，𠵱家仲有收藏，但普通勞作都會扔。因為太多所以會用電話影相留念。」親自照顧三位子女的何嘉莉，坦言頗為辛苦，始終工人只能幫手做家務，但教導小孩要母親親自去做，本身比較著重小孩的品行。問到跟老公相比下對待小孩那位做「衰人」？她說：「我一定係做衰人，自己比較嚴格又緊張，要小朋友識得尊重別人同禮貌。我都會訓練7歲兒子去處理自己的事，例如執衫或洗碗。」談到疫情關係，對飛機師老公Gerald可有大影響？她坦言載客量減少，會駕駛貨機較多，亦變相多了時間留在家，更笑言兩人增加了磨擦。她說：「有時會睇唔順眼！啲爸爸會hea啲，響屋企懶懶閒。但聽朋友講因疫情會跟老公多拗撬。」
來源 source: http://hd.stheadline.com
|
鍾意就快D Share啦！
|
|
|