12年落選港姐楊斯雅(Cindy)，雖然在大台拍過劇，因開舖頭賣情趣用品而廣為人識，更被封為「性女」。近日，她牽涉「疑賣淫水」事件，不過她否認有關傳聞。
事實，離開大台後，Cindy除主理在旺角的舖頭外，索性變身KOL在社交平台大膽講「性」，其中更包括大爆藝人私生活。
不過揭人私隱者，亦被指做小三搶人老公。
去年，有指前藝人男友Samuel陳光耀(原名陳宇翔)是陳世美。17年大除夕，Cindy跟陳光耀結婚擺酒，事後正印J小姐走出來，大爆Cindy是小三兼講大話，原來陳光耀和J小姐在同年11月簽紙註冊，但沒有擺酒影結婚照，反而跟小三Cindy則做足全套。
不過，不時在IG放閃的Cindy，就解畫「老公」跟J小姐於2012年結婚並離婚，因律師「忘記將有關文件遞上法庭」，以致一直未能成功離婚。對於J小姐提供的結婚證書是2017年，Cindy則指「可能是P圖」。而J小姐跟陳光耀所生的2歲女兒，Cindy跟陳光耀口徑一致：「係親戚小朋友」、「同佢冇小朋友」。
J小姐跟陳光耀一起後，男方一直住在J小姐娘家。12年，男方要入讀大台藝訓班並有意發展演藝事業，之後經常藉口返內地工作，一星期只留家三晚。而憑女人直覺，雖然一直知道Cindy存在，期間這位小三亦大膽PM她，指自己跟陳光耀一齊，所以「好唔鍾意佢」。事實，陳光耀跟Cindy在15年在旺角開舖賣性玩具，其後更入住Cindy以五百多萬購入的自資物業，陳世美多年來都有另一半照顧。
J小姐坦言當愛一個人時，會變得盲目。
當陳光耀多次公開，唔認老婆唔認親生女，J小姐終於清醒。去年10月，她主動提出離婚，正式結束夫妻關係。
這天，記者在拍到她帶2歲女行超巿，買麵包，之後兩母女在公園晒太陽，待女兒午睡後，兩人又一個麵包兩份食，場面溫馨。
記者上前問她有關前夫指結婚證書是P圖，甚至指不認親女一事。她毫無保留說：「其實都冇諗過佢會講得出，話個女唔係佢，或者結婚證書係假，覺得好匪夷所思。」
其實，當知道Cindy為陳光耀誕下一對孖仔，J小姐還想過等老公回頭，她說：「我都仍然呃住自己，但當然會有情緒波動，並且即時質問，佢有否認，我其實都係憑住少少信念繼續支持落去。」
原來，J小姐不只一次提出離婚，數年前，她發現陳光耀出軌。不過忍足多年，又很想繼續維繫這段關係，所以只要每次陳光耀有解釋，她都叫自己相信，每一次都原諒。
不過當Cindy已經完全融入夫家，老爺奶奶背着她去看一對孫仔，被蒙在鼓裡的她發現這件事後，才真正下定決心離婚。再加上她不想屋企人再為她擔心。
「自己已經冇嘢可以失去，我嘅問題都係呢個人身上，解決之後已經一身輕。而最大原因係屋企人好愛錫我，只得我一個女，爸爸媽媽兩邊家族都好緊張我，大家關係好密切。我發生問題，就算唔出聲佢哋都會知，而且會好擔心，唔想屋企人，或者身邊好愛錫我嘅人，會為我咗咁嘅樣，即係帶唔到快樂畀佢哋。」她說。
再問她假若在街遇到Cindy，會有甚麼反應？
「我唔會做咩嘢，只係會就咁行過，都無辧法，又唔會話對佢做咩嘢嘅。因為我覺得做咗一啲唔好嘅嘢，其實會有一個「果」，我都唔需要心急或者衝動。」她說。
跟陳光耀一起十年，Cindy坦言已經釋懷，因為大家都知道真實版本：「大家都做我嘅見證。」
法庭判她擁女兒撫養權，前夫願意每月給予一萬五千元贍養費，雖然未必準時付錢，而正當失業的J小姐經此一役，依然樂觀面對。
「而家用積蓄同嗰女一齊生活，都幾開心，因為以前返工，好少機會照顧嗰女。」她說。
APP 內 1-Click 訂閱
按此了解更多
-----------------------------
【昔日紙本檔案庫】
30年壹仔經典 壹壹重現！
|
鍾意就快D Share啦！
|
|
|