真係冇辦法～
藝人鄭俊弘（Fred）及譚嘉儀下午現身電視城錄影節目，主題圍繞母親節。談到怎樣慶祝，Fred表示：「我媽咪仲喺香港，佢同未來外母好好傾，可以一齊慶祝。（冇得出街食喎。）通常都係何雁詩煮，幾日前一齊食普通晚飯，佢淨係諗煮咩餸都好緊張，最終煮咗炆牛腩、蝦仁炒蛋等好多餸，掂呀！（送咩禮物畀兩個阿媽？）又未諗到喎！」
講到年尾婚禮問題，他說：「應該都唔去美國，雖然何雁詩有少少失望，但都冇辦法。我哋落咗訂嘅，一係1周年過去開派對啦。依家計劃喺香港擺酒，不過年尾好多酒店都滿晒，尋晚我哋兩個喺屋企數數吓，發覺最少要擺30圍，好頭痕。」
而帶同媽媽等家人到場的譚嘉儀則表示媽媽4月生日，一家人會連同母親節一併慶祝：「我哋幾個一人煮一味餸送畀媽咪，我會煮冬菇炆雞翼。（你煮餸好叻？）外國留學期間我成日煮飯，冬菇炆雞翼係我嘅『飲送』，好撚手。」單身的她提起拍拖即露出渴望神情，在記者推波助瀾下要求Fred介紹，當對方表示有筍盤，她即衝口而出：「做吓朋友先呀！」
來源 source: http://hk.on.cc
|
鍾意就快D Share啦！
|
|
|
