真係神回！
藝人鍾欣潼（阿嬌）與台灣「醫界王陽明」賴弘國宣布已簽下分居協議，賴弘國近日積極走出婚變陰霾，連日來喺社交網上載健身、醫美分享、與好友聚會合照。尋晚佢相約設計師好友飯聚，其後仲喺社交網大晒合照，可見心情不俗，但卻惹來網民批評。
有網友狠批「沒有啊嬌你算條毛」，佢神回覆兼借機宣傳：「謝謝你的指教，我只是一個醫生，有除毛的需求歡迎諮詢」有網民問：「還有心情？」，佢亦回應：「新不了情」當有網民鬧佢：「好煩你哦離婚了還每天出來刷存在感炒作之王」，佢則引用法國哲學家笛卡兒名言：「我思故我在-迪卡爾（1596-1650）」
此外，佢似乎冇被網民攻擊影響心情，之後仲口花花撩女仔帶佢食好東西！不過有網民就猜測以上回覆係由槍手代勞，事緣佢之前成日打錯字加上文句不通，尤其婚變千字文已經錯漏百出，所以佢冇可能有咁好文采！
來源 source: http://hk.on.cc
|
鍾意就快D Share啦！
|
|
|
