賭王何鴻燊上周離世，前日何家四房人去大嶼山寶蓮寺為賭王頭七舉行法事，二房女兒何超儀仍然很掛念父親，因為賭王生前很疼她，賭王曾說過超儀很像年輕時的自己，故對她很寵愛，知道超儀喜歡在娛樂圈發展，他也十分支持，據悉曾撥款約1億元給她發展事業，讓她可以有財力做自己喜歡的工作，積極開拓海外市場。
日前她接受英國雜誌《Hunger》訪問，由童年談到成為同志偶像的歷程，超儀的工作態度，其實受父親影響，她表示：「我係勇於接受新嘗試，我做嘢嘅態度就係，你仆咗街，唔使怕，喺邊度仆低就喺邊度爬返起身再嚟過。」我就係揸住呢個宗旨，用呢個心態喺娛樂圈生存。呢個諗法畀我勇氣去作出新嘗試，即使我仆低，我都會笑住仆。」
超儀被問到幾時開始對音樂和演戲產生興趣？她表示：「我擁有一個頗為寂寞嘅童年，但到十幾歲時，我家姐同一班亞洲天王巨星做咗朋友，於是我就掹佢衫尾跟佢一齊去玩。我當時好細個，得12、13歲，但會去片場探班，或者睇佢哋演唱會綵排。我當時已經知自己好想入娛樂圈，所以會有好多嘢問，佢哋教咗我好多秘技。」
她又談到自己歌喉不算很好，有次公開演出時唱到走音，之後就畀人教訓，指責她完全沒天份，注定一世要咪嘴對口型。超儀說：「由我11歲起，我已經非常熱愛唱歌，所以聽到佢哋咁講，真係情緒低落咗好耐。直至LMF成員收我為徒。我過界入咗indie（獨立音樂）樂壇，仲有自己樂隊Josie and the Uni Boys，組成都超過10年」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|