家中養有一貓一狗的鄭秀文和許志安，一直當寵物好似自己仔女一樣。其中已經15 歲的Lucky仔, 是安仔所養德國牧羊狗。據知，最近Lucky因為年紀大，身體機能日漸衰退，已經失去行動力，兼且出現大量併發症。近日，許生許太幾乎全天候式輪更照顧愛犬，更請了物理治療師上門為Lucky 按摩。雖然兩公婆費盡心思，但仍無法扭轉Lucky情況急轉直下的事實。不過，個性樂觀的Sammi一早已有心理準備，甚至以正面態度對待同Lucky倒數的告別：「知道終有一日會離別，所以每個當下就更重要！」
一星期兩支止痛針
上年4月，經歷了「安心事件」，Sammi 火速原諒了安仔，雨過天晴。而一向愛錫家中寵物的許氏夫婦，最近亦因爲Lucky 病重，連日來寸步不離地照顧。日前二人便孖住湊Lucky去睇醫生，Sammi 更表示其實Lucky 現階段除了行動不便之外，更開始出現眼角膜、手踭發炎等併發症。不過，因為Lucky 年紀太大，不能貿然替牠落麻醉藥做手術，所以只能夠靠打止痛針舒緩。據知，止痛針每支約二千多元，在非常時期，更要一星期打兩支，Sammi 表示：「去到呢個階段，已經做唔到乜嘢。可以做嘅，都盡做！」請物理治療師上門
由於Lucky 已經唔可以行路，所以亦出現失禁情況。Sammi 就話終於體諒到做人父母的心情，而家要成日要睇住屋企尿片的存貨。校啱因為疫情要暫時停工，所以兩公婆近日幾乎足不出戶，夾手夾腳服侍Lucky 。Sammi更講述Lucky的情怳：「前兩日就真係冇晒心機，喺個診所度，真係好攰！其實佢而家根本上係唔係咁郁得！絕對自己起唔到身更加自己行唔到。咁我地就幫佢轉身啦，有時幫佢企一企啦，舒緩下筋骨」 唔只全天候照顧，許太許太更專程請了專業的「寵物物理治療師」上門，兩公婆一齊上物理治療課，學習幫Lucky 拉筋、按摩兼敷暧水袋。希望Lucky在最後的日子，能夠減輕痛苦。相信這項花費一定唔惹少，但為了愛犬，兩公婆亦願意花上一切。
17年經歷過大病
牧羊犬一般壽命只有12 至13 歲，但Lucky 今年已經15 歲，所以Sammi 亦明白15 歲並不是一個必然，到了這個階段，每過一日，都係賺咗！其實在17 年尾，Lucky 已經經歷過一場大病。當時Lucky 在醫院住了足足一個星期，Sammi 同安仔就日日去醫院探望，由當時開始，Lucky 的後腳關節已經開始漸漸衰退，有時更要靠輔助帶走路。 Lucky 大步攬過之後，安仔亦爲牠停工了一段時間，日夜陪伴。當時安仔更搞笑說自己當了Lucky 是他的「歌迷」，在家中經常對著牠唱歌，兩父子非常溫馨。心願Lucky 安享晚年
Lucky除了是安仔經歷高低起伏的良伴，更加在Sammi 同安仔婚前，充當了維繫感情的重要角色。當時有報導指身為基督徒的Sammi，一直唔肯同安仔同居。於是，安仔就成日「借啲意」話lucky 掛住Sammi，時不時將Lucky 放在Sammi 位於淺水灣的寓所照顧。如是者，安仔就經常有藉口在Sammi 寓所出入。久而久之，便成功衝了Sammi紅線，二人開始同居，冇耐更簽字結婚。 除了Lucky，還有貓貓肥mike，都是Sammi 口中，陪伴他們經歷了人生許多重要階段的毛孩。所以Sammi現在的心願，只希望Lucky 可以安享晚年，現階段只會將所有心血都放在Lucky 身上，珍惜餘下時間，這正是主人對寵物一世的承諾！----------------------------
ChannelNEXT人民學堂：識法大講堂
曾志豪X劉偉聰 同你拆解「港版国安法」
立即收看
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
