1987年參加香港小姐的邱淑貞，當年有傳被同屆的黃鶯向傳媒爆她整容，令當時大熱的邱淑貞最後以「健康理由」退出總決賽，而該屆港姐最後由楊寶玲奪得冠軍，李美鳳及林穎嫺則分別奪得亞軍及季軍。事隔33年，黃鶯最近接受訪問時就表示冇講過對方整容，更後悔當年沒有澄清。
已定居在英國的黃鶯最近接近林穎嫺網上節目《都市嫺情》訪問，兩人除了提起當年參選時的趣事外，林穎嫺更主動提到當年黃鶯被指爆邱淑貞整容的事情。黃鶯表示當年看到有雜誌指她爆邱淑貞整容時，連自己都覺得震驚：「我第一個反應就係『我唔知佢整咗』，第二就係『點解我會講？因為我都唔知呢件事，我何來去報料呢？』我覺得呢件事太荒唐，於是我冇去理。」黃鶯指雖然當時有很多報道，但由於每日集訓的時間很長，根本沒太多時間去理會這件事，直至差不多到決賽當晚才感到事態嚴重：「我表妹打電話畀我講呢件事真係好嚴重，要我真係去正視，話有篇報道寫我非常非常之差。」
黃鶯又謂整個星期的雜誌封面都是她和邱淑貞，而且更一面倒覺得整件事都是她的錯：「我係佢好朋友，我篤佢出嚟，兩個人喺度爭名次咁樣。」黃鶯又謂選港姐前曾與邱淑貞及楊寶玲一起跟林子祥做騷，完騷後選港姐時再遇到，加上做林子祥的演唱會後，邱淑貞提議寫同一樣的感受，故令記者誤以為自己與邱淑貞是知己關係：「件事有邊個知？肯定係我知，於是寫咗我出嚟，我覺得係咁樣發生。睇完之後心諗係一個誤會，我有少少嬲，點解佢唔同記者解釋？」
黃鶯稱當年有太多事情發生，加上選完後2年拍了8、9部戲，由於很忙關係故沒有理會與邱淑貞之間的事情：「後來有少少後悔冇澄清，因為after so many years啲人再提起邱小姐選港姐嗰時，都會講到我。」黃鶯感謝林穎嫺給她機會去澄清，若邱淑貞一直對自己有誤會，她亦期望藉着這次澄清可令對方釋懷：「最希望係邱淑貞小姐聽到，我唔知佢有冇誤會，如果冇，同我一樣唔當係咩大件事咁就最好，但如果佢心裏有乜唔開心或對我有誤會嘅，希望佢睇呢個節目會釋懷。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
