一向我行我素的「暴龍哥」鄭中基，自從上年廣州個唱一再延期之後，就開始在強國市場漸漸消失⋯⋯。
當時有傳他疑拒做「護旗手」，所以受政治打壓，個唱要剎停。最近亦發現以往經常在微博出post的他，都冇晒聲氣。唔玩微博，鄭中基轉玩Facebook，今年3 月，鄭中基開了一條YouTube channel ，叫「機動電視台」，已經有6萬4千個粉絲訂閲。
眾所周知，鄭中基有個稱號叫「太子基」，爸爸鄭東漢曾是亞洲娛樂大亨，身家億億聲。唔憂柴又唔憂米，「暴龍哥」就算企硬唔表態，又so what?
廣州個唱被延期
自從上年6月社會運動之後，娛樂圈唔少藝人都紛紛做「護旗手」，不過有些人就算已表態，亦保唔住內地市場，亦有些人未有表態，都可能隨時出事，鄭中基正是其中之一！原本上年8月在廣州開個唱的他，開騷前5日，主辦機構宣布因為「天氣同技術原因影響」，要延期至12月。一個月後，官方又再發聲明指「未能短期內確定藝人及演出場地時間」，個唱要無限期押後，觀眾更可以辦理退票。當時心水清的網友都紛紛留言話：「快啲做護旗手，馬上如期舉行⋯⋯」、「無出過聲咪又照搞你」。
為基層市民發聲
- 上個月政府曾推全日禁堂食措施，鄭中基在Fb呼籲如果大家見到有人在街上食飯，唔好影相甚至po上網！
停玩微博
其實自從上年在紅館完成5埸個唱之後，鄭中基立即展開巡唱，包括新加坡、大馬、澳門，唯獨內地場要全部剎停。最近更發現由上年12月開始，他以往頻頻update的微博，都進入停頓狀態。唔通內地市場，佢唔再睇重？開YouTube channel 搵錢
唔搵人仔，鄭中基都唔愁冇工開！剛剛拍完Viu tv 新劇《暖男爸爸》。今年3月，鄭中基更開了一條YouTube channel，做埋「基tuber」，5個月已經有超過6萬訂閲者。鄭中基幾乎每星期都會製作短片，每條都有十幾萬點擊，似乎集中火力在本土市場。- 今年3月，鄭中基開了一條YouTube channel 「機動電視台」，現在已有超過6萬訂閲者。
00年飛機醉酒鬧事
鄭中基爸爸鄭東漢有「華語音樂教父」之稱，曾經捧紅唔少天王天后，更是前金牌大風唱片公司老闆。當年鄭中基憑父蔭入行有少少成績，可惜二千年在飛機上醉酒鬧事，形象直插谷底。其貌不揚的鄭中基，以往又煙、又酒，又爛蒲，圈中女友更是多不勝數。其中跟楊千嬅的一段情，令女方十分傷心，曾表示分手後要日日借酒消愁。06年，鄭中基秘娶阿Sa，暪婚4年後，宣布離婚。- 有「太子基」之稱，鄭中基爸爸鄭東漢曾是亞洲娛樂大亨，身家億億聲。
為余思敏洗心革面
失婚後，鄭中基終於遇到一生最愛余思敏，令他由浪子變成住家男。結婚9年，余思敏為鄭中基誕下一仔一女，大女Emma 9 歲，細仔Evan 已經5歲。有了家庭，鄭中基修心養性，為老婆仔女戒夜蒲、戒粗口，兼戒煙。疫情下，留在香港的他，日日陪住老婆。浪子回頭，余思敏居功至偉。結婚後的鄭中基出外打拼搵錢，余思敏則負責打理頭家，照顧仔女，各司其職。日前《壹仔》見余思敏單拖行超市，買了大量食材，準備返歸煮愛心餐。平日余思敏亦經常在IG晒廚藝，中餐、西餐，甚至焗蛋糕也有一手。懂得留住老公個胃，又難怪余思敏可以將鄭中基，由「無賴」馴服到變成深閨男嘅！ ----------------------------
【學生家長疫情面試大作戰】 壹齊分享網上直播
聖士提反書院附屬小學副校長盧家其 x 張寶華 x 趙麗如 |立即了解更多
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
