2020年11月4日星期三

【升級死敵】生日寸爆過氣閨蜜馮盈盈江嘉敏：望識帶眼識人 #江嘉敏 #馮盈盈

【升級死敵】生日寸爆過氣閨蜜馮盈盈江嘉敏：望識帶眼識人

江嘉敏嘅25歲生日願望，不忘寸爆「過氣閨蜜」FYY。

上位TVB小花江嘉敏(Kaman)今日25歲牛一，着住火紅色衫，好有喜慶feel嘅壽星女喺凌晨出Post，分享生日願望，講完踼走疫情及環保「大道理」後尾隨掟骨，暗寸「過氣閨蜜」馮盈盈（FYY），寫道：「希望自己成熟啲，識帶眼識人。」嘩嘩嘩！睇嚟壽星女內心同外在一樣，好火！

江嘉敏凌晨上載咗一張笑容滿面，P過圖嘅大頭相，留言：「我生日喇！生日願望簡簡單單，疫情快啲同我消失，全部人都有野(嘢)做，食得飽，人類乖乖愛護地球。少用啲膠袋，膠飲管，即棄餐具⋯⋯地球冇咁快滅亡，我可以聽多幾年生日快樂丫！最後梗係想自己食極唔肥，同埋希望自己成熟啲，識帶眼識人。太耐冇自拍，搞到個頭勁大。#生日要紅當當(噹)#好少凌晨出post#宣布(佈)放棄減肥一個月#眨下眼又生日嚕」

盈盈周前約麥明詩擦蟹，有網友搞錯問：「唔係反咗面咩？」 Louisa口快快答：「係咪搞錯咗呀？唔係我喔！」

江嘉敏生日post獲圈中友好余香凝、張繼聰、伍允龍、李佳芯、黃智賢、傅嘉莉、JW等留言祝賀，當然FYY冇影，並冇對號入座，亦暫時未有出Post反擊。

自從「富豪船P」羅生門事件後，江嘉敏和馮盈盈便由「打卡之友」降呢「過氣閨蜜」，姊妹情不再，而江嘉敏早於8月中已轉黐「楷女郎」郭嘉文及富家女鄺潔楹；盈盈就約麥明詩擦蟹，兩人各自各精彩。最搞笑係盈盈約麥明詩(Louisa)擦蟹合照相，有網友喺Louisa的IG內留言說：「唔係反咗面咩？」Louisa好快回覆網友：「係咪搞錯咗呀？唔係我喔！」江嘉敏和馮盈盈反面事件隨即再度發酵，空月來風未必無因！