由鄭中基、張可頤主演的ViuTV劇集《暖男爸爸》近日成為熱話。不過今次重點就去到上星期開始出場、飾演鄭中基的花心老友強尼。有一場他躲在車廂內喊的戲份，不少觀眾睇完，都讚他有戲。其實強尼可謂多才多藝，他在ViuTV身兼多職集主持、講波同唱歌於一身。有網民發現昨晚在ViuTV三個節目都見到他的蹤影，包攬整個黃金時段。
強尼集節目主持、足球評述員同演員一身，其實他唱歌亦有一定造詣。早前他在ViuTV音樂節目Chill Club唱《越吻越傷心》，被網民大讚有專業水準。昨晚他先在9時半的《暖》劇出現，劇情講述他展示男性魅力力追陳俞希。之後到10點半又見他為《全民造星III》任主持，到11點半強尼繼續亮相，主持《有酒今晚吹》，橫跨三線霸佔整個黃金時段。強尼今日以短訊回覆《蘋果》時表示，他笑說：「咁啱得咁橋啫，係咁啱星期一有三檔節目，星期二至五都係兩檔，同埋拍《暖男爸爸》嗰陣係唔知安排幾時播，所以冇諗到會同《造星》同期出街，有人留意，當然開心。」問到會否擔心太密集式的出現，會有反效果？強尼說：「驚㗎，不過呢個世界總係有人鍾意同唔鍾意，所以都冇辦法控制到，總之有人留意，又會有人讚就最開心。」其實在連登討論區一早就有人提起他，更被連登仔封為「全能強尼」。
原名許博文的強尼現年47歲，父親為前港甲流浪球員許祖賢，大學時期修讀土木工程，亦是學校足球隊主力。畢業後任職工程師，後來放棄高薪厚職加入有線講波，2016年轉職ViuTV作多方面發展。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
