ViuTV選秀節目《全民造星III》昨晚播到第二集，在一眾參賽者中，最具知名度的顧定軒入行8年，曾參與不少劇集和電影的演出，包括今年上映的電影《麥路人》、《翻生爭霸戰》，這麼多的演出機會，仍然參加《造星III》，的確令不少人頭頂多了幾個「黑人問號」，甚至有網民猜測做媒，好讓顧定軒入決賽，到時為他有份拍的ViuTV劇《男排女將》宣傳。
顧定軒知名度高，今屆導師林二汶與彭秀慧面試時已經好奇問參賽原因，他解釋不想只透過演戲與觀眾接觸，並想以音樂，令觀眾了解最真實的他。 在綵排時，顧定軒選擇獻唱盧廣仲的《幾分之幾》，不過唱到走晒音，《造星III》監製花姐聽到搖晒頭，說：「本來你係一個好有記憶點嘅人，你突然間做一個歌手，但你唔在行，當你做戲嘅時候，人哋睇到你個性，但我而家乜都睇唔到，你將啲嘢收埋晒，你就變咗一個好普通嘅男仔企喺度唱歌咋，咁我點話畀人聽顧定軒係值得入呀。」就連旁白都寸他「估唔到演員唱歌都係坎坷」，顧定軒經理人指他雖然演技不錯，但的確欠缺舞台經驗。事後，顧定軒激動表示很擔心令身邊人失望，所以太想做好件事。旁白再寸他「其實唔使驚到喊，你都係嚟玩下啫，真係衰咗，咪返去同天王拍戲囉」。
在首輪挑戰，顧定軒自彈自唱《遇見》，他只獲得評判卓韻芝一盞燈，本來需要跌入復活組，在後台的花姐激動地說：「畀多一盞佢」就連卓韻芝也問另外兩位評判Eric Kwok及Joey Tang為何不按燈，此時，Eric Kwok及Joey Tang才按下燈，顧定軒拿足三盞燈順利被編入二汶組別，開心得在後台的花姐，以及兩位導師林二汶和彭秀慧即時彈起，彭秀慧說：「佢唔靚仔，但有魅力，呢啲咪就係耐看囉！」
現年38歲、入行11年的班長（李明憲）曾經參加過亞洲電視舉辦的第一屆《亞洲星光大道》而入行，之後過檔無綫拍劇以及電影，現時自由身的他，今次參加《造星III》是想挑戰自己現時在甚麼位置，不過花姐卻指他：「你而家咩位都唔係，跟住參加呢個比賽，跟住你唔討好，又被人鬧，你連呢個位都冇。」
班長不懂應對，只是儍笑。他選擇唱日文歌《雪之花》但走音，評判卓韻芝批評他的樣子不適合唱歌而是演員樣，李明憲說希望圓歌手夢，卓韻芝按燈讓他入圍，被編入擔任導師的彭秀慧組別，嬲到在後台的彭秀慧即時掟衫。 另外，在第1集被花姐點名叫退選的Dilys，亦同樣獲3盞燈入圍，二汶與彭秀慧再次慘叫。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
