Angelababy（楊穎）嘅演技一直備受質疑，雖然有網民話佢天生一個識笑嘅嘴，拍喊戲都好似笑咁，係非戰之罪，不過亦有人話佢演戲冇層次，被指「戲屎」！近日內地古裝劇《風起隴西》公布演員名單，除咗陳坤、白宇、聶遠、俞灝明、常遠等實力派演員外，Baby都榜上有名，齊齊拍呢套以三國為背景嘅諜戰大劇，而Baby亦嘅社交網分享官宣海報，並留言：「誰人手中子，扮作弈棋人。在下柳瑩，今日入局。」
然而，Baby喺2020拍嘅時裝劇《摩天大樓》入面，演技有明顯進步，令唔少人刮目相看，就連國際影星章子怡都曾發文：「大家曾經對Angelababy在表演上的質疑可以暫且擱置了，她演的美寶真摰自然，讓我覺得沒飽，她對這個角色的投入與呈現值得肯定，有時不想着怎麼去演反而會更加有魅力。」
今次Baby再挑戰古裝劇不容有失，亦都係佢翻身之作，如果佢演得好，有望完全摵甩「戲屎」之名，成為實力派演員。
來源 source: http://hk.on.cc
|
鍾意就快D Share啦！
|
|
|
