新版《勁歌金曲》由Eric Kwok、糖妹及涂毓麟做主持，節目中加入點評環節，每集都會邀請歌手獻唱新歌，再由20位「音樂選民」評論。
即將播出的一集由洪卓立、何雁詩及吳若希唱新歌，當洪卓立唱完新歌後，被人狠批唱得太慘，更叫他去找宮崎駿的藍天，洪卓立聽後即時呆了！而何雁詩下場更慘，被批評到落淚，何雁詩當晚在社交網上載限時動態，留下一個打氣手勢及心心，似是為自己打氣。最後吳若希表現平穩，避過一劫！
洪卓立受訪時表示：「其實我又唔覺得係狠批，大家有大家嘅意見同品味啫，前輩都係講出佢嘅意見，反而想多謝佢肯放錢入我袋。我覺得音樂同電影從來都冇好同唔好，只有啱唔啱你聽。我就覺得何雁詩當日唱得幾好聽，當然我同佢都好緊張同埋有好多進步空間。」他說當晚有點緊張，就像從前參加比賽一樣，又說會多聽前輩的意見。
而何雁詩就爆喊一事回覆東網，她坦言一開始爆喊並非因為被狠批，反而另有原因︰「因為當日坐喺評判席上仲有伍樂城，當年係佢帶我入行，聽到佢嘅評語我就諗起當初玩《超級巨聲》嘅時候，所以感觸而喊，而一喊就會收唔到掣，我係嗰啲要喊晒出嚟先得！」續自爆當日更於錄影廠喊足全日，並自嘲是首個在《勁歌金曲》內喊的歌手︰「平時啲人喺頒獎典禮先喊㗎嘛！」
她再解釋錄影當日撞正出碟前一日，搞到壓力爆煲︰「積積埋埋先會有多啲情緒，再要試呢個新環節，所以當日嘅我比較脆弱。（覺唔覺得呢Part太尖銳？令你難受？）《勁歌》會試一啲新嘅玩法都係件好事，我又唔覺得好難受，反而係喺呢啲會畀人評分嘅情況底下，會令我覺得更加要進步多啲，平時出歌都會想聽其他人嘅意見，所以都OK嘅！」最後問到會否被嚇怕不再上這個節目？她笑言：「唔會，由細畀人話到大，點會咁樣就被嚇怕！」
來源 source: http://hk.on.cc
|
鍾意就快D Share啦！
|
|
|
