日本吉野家在本月中發出財報，宣佈吉野家集團出現鉅額虧損，而香港及中國內地市場表現均十分不理想。今次連代理香港及中國內地吉野家嘅合興集團都中招，面臨鉅額損失，逼使CEO玩埋抖音，但都救唔起個集團，仲俾人恥笑，到底係咩事呢？
撰文：Andy丨圖片：吉野家微博、洪明基微博、財經網微博截圖丨編輯：海月
網民：中國人不吃這一套！吉野家香港及中國內地市場雙雙失利
吉野家集團於香港及中國內地表現不理想，全年虧損高達75億日圓 ，節合約港幣約5.3億。而代理香港及中國內地吉野家嘅合興集團仲慘，唔單止面對鉅額虧損，股價仲連續插水好幾日，睇嚟「北水」並唔多鍾意食吉野家。
CEO玩抖音娛賓被嘲笑 無力救起集團
合興集團CEO洪明基見集團2020年表現咁差，都想救救集團。可能佢見微博、抖音喺大陸hit，就想透過玩抖音同微博幫吉野家宣傳下。希望透過自己喺抖音娛賓，拯救集團於水火之中，可謂令人鼻酸！不過，喺結果來睇，CEO玩抖音都係拯救唔到中國內地吉野家，更不幸成為網民間笑話。
洪明基見「合興集團CEO洪明基」海底撈喺微博上發起「17元食海底撈」活動大獲成功，於是想有樣學樣，更加進取地喺微博上發起「1.7元食吉野家」活動，仲便宜過搭叮叮啊！
可憐嘅係，呢個「1.7元食吉野家」活動經過幾日，貼文都只得3個人回覆。見到勢色唔對，CEO都靜雞雞DEL Post。
內地網媒踩多兩腳
內地網媒「財經網」更喺微博上發起「你喜歡吃吉野家嗎？」嘅投票，有3,208人表示喜歡，5,558人表示不喜歡，更有網民直指吉野家這個「洋品牌」過時！
來源 source: http://www.nmplus.hk
|
鍾意就快D Share啦！
|
|
|
