掃呢頁CODE去手機

2014年3月12日 星期三

[FACE 355] 祥仔攝位贏 like 楊崢請假變雙失 祥仔,楊崢,阮兆祥,MF,




楊崢喺商業一台主持嘅《一圈圈》一年幾期間,最叻插嘴,而且講嘢冇乜 point,最近佢自己請假避世,商台梗係食住上,乘機飛甩佢。

FBI

祥仔攝位贏 like 楊崢請假變雙失

楊崢同黃宗澤嘅姊弟戀,自上月曝光後,由甜蜜曬幸福到全城追罵,經歷 21日即火速玩完。戀情告終已夠慘,最弊係楊崢連份工都無埋。

上月尾,楊崢以私人理由,向商台無限期請假避世。至於佢主持開嘅商台節目《一圈圈》,呢個星期就搵咗阮兆祥補位。 FBI八到,商台方面覺得祥仔夠曬經驗又識搞氣氛,而 DJ出身嘅祥仔亦有意思長做。咁即係話,好快同商台約滿嘅楊崢,好大機會冇得再撈《一圈圈》喇。

冇咗黃宗澤,仲失埋業,不過好彩楊崢仲有兩個物業揸手,錢方面應該唔愁嘅。

頂替楊崢主持《一圈圈》嘅阮兆祥係 DJ出身,人緣好兼有口才,據知祥仔本人都好想繼續做《一圈圈》,楊崢隨時返唔到商台開咪。

上月,拍拖唔夠 3個月嘅黃宗澤同楊崢離奇地俾人影到咀嘴後,搞到全城追罵,更有同行數臭楊崢搶人男友、貪錢、失場等衰嘢,更重要係傳黃媽媽唔 like楊崢。所以最近黃宗澤已冇搵楊崢並拒接對方電話。網上圖片



鍾意就快D Share啦!