2014年8月29日 星期五

桂綸鎂紅裙艷壓全場 雷神都要企開啲 桂綸鎂,雷凱欣,雷神,




【上海直擊】桂綸鎂紅裙艷壓全場 雷神都要企開啲

2014-08-28 23:25:00



(攝影:沈健程)

桂綸鎂(小鎂)、雷神基斯咸士禾夫(Chris Hemsworth)攜同太太Elsa Pataky今晚喺上海兒童藝術劇場出席Montblanc Boheme Parade show,同場仲有韓國女星金喜愛同 Victoria's Secret 名模Ana Beatriz Barros。

雷神向來都係家庭第一,去襯邊度都帶埋太太Elsa,鬼咁恩愛,今晚佢哋就撇低3個仔女,拍拖出席派對,啱啱3月先生咗對孖仔嘅Elsa 身形fit爆,着住條金色亮面低胸連身裙,閃爆全場。

身為Montblanc中國區品牌大使嘅小鎂,就著住條艷紅色露肩晚裝壓軸出場,佢話紅色夠亮眼,仲話想帶畀大家一種活力同新鮮感嘅感覺,講起嚟緊上映、同孫紅雷合演嘅《觸不可及》大跳貼身Tango,小鎂話:「tango是我第一次接觸的舞蹈,是要兩個非常靠近、很敏感的一個舞蹈,我們都很努力學習,每一段舞蹈都有意思。」係咪用跳舞代表性愛?小鎂話:「是呀,蠻有性愛的感覺,有幾段是透過舞蹈來代表性愛。」佢仲話戲入面完全冇用語言嚟表達情感,靠嘅都係跳舞。

有記者問到佢嚟緊開拍、同胡軍合演嘅電影《天涯知己》時,佢就一臉愕然,仲話自己都未知男主角係胡軍,但講到胡軍嘅為人,小鎂就大讚話對方非常友善,仲話好期待同對方合作。







!!!!!!!!!!!!!!!!!!





雷神都唔敢企太近...





鍾意就快D Share啦!
Related Posts Plugin for WordPress, Blogger...