掃呢頁CODE去手機

2014年8月27日 星期三

[FACE 379] 失蹤之謎 暴瘦 15磅  33℃着長袖衫 周國賢認焦慮症:見到咁多人好驚 MF,




33度大熱天時,剪咗新髮型嘅周國賢,着埋長袖線衫一樣瘦到似 iPhone,雖然話見到香港人多會驚,難得仲係好友善企定定接受記者訪問。

真面目

失蹤之謎 暴瘦 15磅  33℃着長袖衫 周國賢認焦慮症:見到咁多人好驚

自從 12年 8月出版唱片《 Live A Life》,周國賢已經鮮有露面。去年中傳出搭上助手南南更加搞到差啲家變,更盛傳為氹韓籍老婆舉家移民加拿大。

足足年半,上週本刊終發現呢位樂壇失蹤人口,無工開近兩年,繼續水源充足,在太古廣場逛勻 Dior、 Harvey Nichols各大名店,還睇中女裝飾物滿載而歸。

週日再約女友人小聚,暴瘦 15磅嘅 Endy友善在地鐵站企定定接受記者訪問,自爆有意回歸樂壇回港探路,至於失蹤原因,就話係患上焦慮症,唔關小三事喎。識得去名店搵禮物氹老婆,睇怕個煲箍掂咗







去年中被指搭上助手南南激嬲老婆,事後周國賢舉家移民,南南亦離開唱片公司。網上圖片

明明結婚 12年,家有韓妻同三粒寶貝女,不過記者這次都只係見到周國賢一支公回歸香港,繼上週四( 21日)買完女裝鏈再買紅酒,享受完優質生活後,週日( 24日)傍晚則約見女性朋友在上環小聚。可能久別香江,周國賢告別友人在港鐵站似足自由行,入錯荃灣線又行錯入機場快線,行完大運又如夢初醒唔上車拍八達通再出閘,記者表明身份,周國賢話約咗人未夠鐘喎:「我哋唔係移民,係幫小朋友搞讀書啲嘢啫,安排好晒咪返香港探下親戚朋友,好耐冇返嚟,我𠵱家見到咁多人都好驚。(想復出?)香港變得好快,呢個模式唔同晒,等我探下路先。(點解瘦晒?)大約瘦咗幾 kg,我唔敢磅呀!係因為食咗長齋同埋跑番步,其實之前有焦慮症嘅係我,唔知點解傳傳下變咗太太。公司同事想幫我掩飾病情,又唔知點解傳傳下變咗緋聞。其實今次老婆同女都有返,不過走咗先。我就仲有啲親戚未見完,今次一嚟探朋友親戚、二嚟探路,三嚟其實係想打邊爐!」食齋邊爐?咁咪即係烚菜?

韓妻李美英

同韓籍老婆李美英結婚 12年,周國賢育有三個分別 11、 6及 4歲的囡囡,被指舉家移民加拿大,周國賢就話為女升學而已。

《蘋果日報》圖片

網上圖片

出道 baby fat

網上圖片

11年前以陽光 rock男形象出道,當年 babyfat塊面仲有啲肉。

瘦咗似劉華

比最癲峰時狂瘦十多磅,周國賢話靠食齋同跑步減磅。連何詩都話佢瘦咗似劉天王!

自稱回港探路想復出,周國賢返港前的確先到台灣,搵過老友何韻詩幫手探路。網上圖片

上週四( 21日)周國賢一支公在太古廣場買名牌女裝鏈,又話妻女已離港嘅?

轉行有得諗喎!

周國賢話返港探路想重回音樂老本行,其實連 Eason都賣得 900隻碟心灰意冷,音樂當興趣好過做職業。家有海味鋪,身有周身刀,唔做歌手大把嘢做。

挑戰《好聲音》

連 Robynn& Kendy都可以自稱網路歌手、鄧小巧可以扮零經驗小學教師,入行 11年嘅周國賢都可以以素人身份報名參加《中國好聲音》,扮新人再入行。

去賺人仔

又係強國真人騷,不過今次係《爸爸去哪兒》,包保爸爸鹹魚翻生,三個女都做埋搖錢樹。唯一問題係,周國賢在強國零知名度,貼錢都未必有得上。

教溝韓妹

周國賢 12年前已經娶咗韓妻,實冇諗過韓妹近年成為港仔頭號幻想女友。家陣興人生導師、速配公司,周國賢當年點追韓妹、 12年點御韓妻,開班分享應該有得諗。

捧女出道

父母基因優良,由社交網路鬆郁朦相大概都見到周國賢三個女疑似眉清目秀仲有啲音樂天份,乾脆疊埋心水做幕後捧女,三個中一個都有賺。

轉行賣畫

做歌星多阻滯、繼承父業賣鮑魚又話冇興趣,周國賢間中晒出畫作原來都幾有睇頭。索性開畫廊賣畫,一於開埋天價,藝術嘅嘢你哋識條鐵麼?



鍾意就快D Share啦!