[FACE 379] 翻撻前度 始源女友係專欄作家 MF,

始源激凸殺入將軍澳拍外景，全知言唔尖叫就假。

全知言

翻撻前度　始源女友係專欄作家

Super Junior嘅靚仔成員崔始源上星期二（ 19日）嚟咗香港為林超賢執導嘅電影《破風》拍外景。全知言係 K-pop迷，梗係有去探始源班啦。始源雖然比以前黑左啲，着住單車褲仲鬼咁激凸，身材又 fit咗喎！梗係啦，始源為咗喺《破風》演好單車手，日踩夜踩，唔 fit就假。

不過，全知言最關心嘅除咗係始源身形有冇 fit到，當然仲有男神嘅感情生活啦。全知言八到身為富二代嘅始源喺 07年曾經同 SM娛樂嘅一位練習生 Stella Kim（金賢京）拍拖，後來 Stella Kim留學，兩人分隔兩地，所以呢段感情最後就無疾而終喇。但係，最近全知言同唔少 fans都發現到，佢哋兩個透過社交網站密切交流嘅蛛絲馬跡，喺韓版《 Nylon》雜誌寫專欄嘅 Stella Kim仲頻頻喺始源嘅 Instagram留言，仲有傳佢 2個翻撻成功，唔少始源 fans都喊晒口兼喺 Stella嘅社交網留惡貼，不過夠薑嘅 Stella將惡貼一一刪走。能夠成功擄掠男神心， Stella果然唔簡單。

電影《破風》集合崔始源、彭于晏同竇驍三大韓台中型男。始源之後會隨隊到意大利、韓國及內地拍外景，佢笑笑口話：「愈拍愈健康」。

07年，始源同 Stella Kim拍拖期間，影咗唔少親密貼紙相，當時 2人都好 pure好 true。網上圖片

Stella𠵱家喺時尚雜誌《 Nylon》工作，亦係 part-time model，所以成日擺大頭相上社交網站谷人氣。網上圖片

Stella Kim回應始源喺今年 8月 19日上傳的 Instagram視頻，叫始源唔好唔記得捐錢。呢個舉動引起唔少始源 fans關注， Stella隨即刪走留言。網上圖片

始源

當 Stella Kim喺 twitter寫上「 Vintage Shopping」時，幾個鐘後始源又喺自己 twitter上發咗一張印有「 Vintage」字眼嘅樽，好鬼寃氣。

Stella Kim

鍾意就快D Share啦！

下一篇 》