2014年10月23日 星期四

[壹週刊 - 1285] 黃浩然挑戰攞命斜 黃浩然,黃浩,M1,




瘦到皮包骨,黃浩然練跑練到甩褲兼索晒氣,師傅冼灝英唯有放慢腳步陪跑。

同你吟一吟

黃浩然挑戰攞命斜

早排患上「貝塞特氏症」嘅黃浩然,趁仲放緊病假,經常約埋師傅冼灝英跑步練氣,仲自爆成功完成 10K,證明身體狀況已經回復番七七八八。

想盡快重投工作崗位,上個禮拜二(十月十四日)晨早九點幾,《壹》仔已經撞見兩師徒開跑,仲要挑戰有唔少斜路嘅司徒拔道。

跑到成頭汗嘅黃浩然,跑到上氣唔接下氣,身旁嘅冼師傅一直放慢腳步,回頭𥄫實徒弟仔。

頂唔順,黃浩然以急行代替慢跑,去到大平路抖順條氣,終於有番笑容。

心急只會壞事,黃浩然應該向靚靚袁詠儀好好學習。三年前突然肥腫難分,後來靚靚發現甲狀腺出問題,嚴重到針灸、中、西醫三管齊下。係女人都貪靚,但甲抗問題手尾長,靚靚醫番好,都要先調理身體再諗點減肥,當中包括响屋企附近嘅淺水灣道跑步,速度仲有番咁上下。

黃浩然跑晨操,靚靚選擇黃昏前起跑,不過塞住耳機聽歌跑馬路邊,似乎危險咗啲囉!

原本靚靚計劃同老公 Chilam生多個,但 11年突然發福腫口腫面,後來先發現原來甲狀腺出事。

除咗跑步、跟黃佩霞學瑜伽,靚靚減肥大計更包括行山。



鍾意就快D Share啦!
Related Posts Plugin for WordPress, Blogger...