掃呢頁CODE去手機

2015年2月11日 星期三

[FACE - 403 - 大專校園] 寧願唔住 hall 理大妹黐實孖生家姐 MF,




諗過讀傳理系嘅 Sabrina最後揀咗英文系,上年暑假仲去咗波蘭 exchange,「去咗近三個月,喺當地教小朋友英文,雖然未知自己畢業後做咩,不過呢個經驗好寶貴,好難忘!」

U花 U草

寧願唔住 hall 理大妹黐實孖生家姐

范瑋琪(范范)同陳建州(黑人)出晒名係模範夫妻,上個月生埋一對孖生 BB,日日 fb狂晒相晒幸福, sweet到俾傳媒封黑人做「炫娃狂魔」。

好事成雙,有得同孖生兄弟姊妹玩梗係開心,同樣有個孖生家姐嘅張蔓莎( Sabrina)亦同家姐好老友,唔使開聲都 feel到對方諗咩,靚衫又可以一齊着,難怪讀緊理大英文系 Yr.3嘅 Sabrina有出名好玩嘅理大宿舍都唔住,寧願返屋企陪家姐。

Sabrina家姐讀得演藝, Sabrina自然有一定演藝天份,「我之前做過話劇,有時劇本有問題都會請教讀演藝嘅家姐,加上我哋都好鍾意音樂,以前都參加過唱歌比賽,入到大學仲開始寫歌,雖然自己識少少鋼琴同樂理,但家姐就有鋼琴八級,所以通常我寫詞同作咗個旋律,就會畀家姐編曲,令個層次再豐富啲,平時一有時間就係喺屋企 jam歌,佢演藝有功課要諗 idea又會一齊度,晚晚臨瞓前都一定要 update對方今日發生咩事先瞓覺,見到家姐就好安心好舒服!雖然成日聽人講住 hall好繽紛,不過我寧願靜靜哋同家姐喺屋企寫吓歌傾吓偈,做自己想做嘅嘢!」

張蔓莎( Sabrina)

理大英文系 Yr.3

Sabrina為咗豐富自己嘅創作靈感,唔同類型嘅音樂都會聽,上年就作咗首〈小小詩意〉嘅歌,感覺好清新好舒服, YouTube都可以聽到㗎!

一般兩姐妹都係行街煲劇, Sabrina同家姐(右)仲要有埋共同興趣,一齊玩音樂,默契同感情好到爆!

Sabrina不時會被學校邀請唱歌,由創作到演唱一手包辦,難怪係唔少同學眼中嘅女神。

鍾意就快D Share啦!