掃呢頁CODE去手機

2015年5月27日 星期三

邊位甘草最好戲? [FACE - 418] MF,



黃美棋

全知言

邊位甘草最好戲?

佢哋未必攞過視帝視后,但講到好戲,一定榜上有名主角配角要出色先引到人睇戲,甘草啲演技,更加係浸出嚟啦,話晒做足咁多年喎!雖然未必係焦點同靈魂,但少咗佢哋就肯定失色!今期就睇吓明星街坊揀邊個甘草最好戲識睇,梗係睇老戲骨

梁健平似爸爸

我會揀梁健平 Sam哥!之前同佢合作過一套電影,佢教咗我好多嘢,教我點做戲同好多人生道理,佢真係好似一個爸爸咁去教我,所以我都會叫佢做爸爸!當然佢戲又好啦,我見識過佢係好俾心機去做每一場戲!

鮑姐冇脾氣

我會揀鮑姐(鮑起靜)!鮑姐戲好就所有人都知,但我見鮑姐係冇脾氣㗎,好懷疑佢究竟會唔會發脾氣呢?我冇正式同佢合作過,但私底下有好多次碰面,希望不久將來有機會合作!

林文龍

鮑姐有感情

鍾舒漫

我好欣賞鮑姐!細個同家人睇過一套劇集叫《肥貓》,睇到流晒眼淚,雖然當時好細個乜都唔識,但都好 feel到入面鮑姐做媽媽嗰份情!之後其實好多戲同劇都有鮑姐,好多角色佢都演得好好,同埋真係入到人個心!

曾江係鬥士

我最欣賞 Ken哥(曾江)!佢最近拍番香港電影,贏好多獎,不禁要講三個字:好佩服!佢係一個鬥士,演戲好就一向都係,𠵱家仲去埋旅遊節目,我都好期待,好想睇下佢點樣爆粗呀!哈哈!

譚耀文

謝賢夠風趣

我最欣賞謝賢!《千王之王》!佢真係靚仔,又好戲,其實佢都係一個傳奇!同埋佢好風趣,風趣係一個男人好需要嘅嘢,不過唔係個個有,佢真係好勁,有佢在場就一定會令到大家都好開心!

Yumiko

街坊:周聰無人能及!

周聰!因為好鍾意佢喺《新紮師妹》入面嘅表現!佢嗰個獨特嘅定位、傻更更嘅造型係無人能及!

Philip

我好欣賞鍾景輝,佢好多戲我都有睇,佢好似好學識淵博,主持嗰啲歷史節目好好,睇得出佢讀過好多書,唔只係一個演員咁簡單;同埋佢又提攜好多後輩,所以覺得呢個人好值得欣賞!

Karen

我最鍾意秦沛,佢做戲好好,我到𠵱家都好驚佢!佢喺《賭聖》賭得好勁呀!

Nelson

鍾意就快D Share啦!