黃美棋
全知言
邊位甘草最好戲？
佢哋未必攞過視帝視后，但講到好戲，一定榜上有名主角配角要出色先引到人睇戲，甘草啲演技，更加係浸出嚟啦，話晒做足咁多年喎！雖然未必係焦點同靈魂，但少咗佢哋就肯定失色！今期就睇吓明星街坊揀邊個甘草最好戲識睇，梗係睇老戲骨
梁健平似爸爸
我會揀梁健平 Sam哥！之前同佢合作過一套電影，佢教咗我好多嘢，教我點做戲同好多人生道理，佢真係好似一個爸爸咁去教我，所以我都會叫佢做爸爸！當然佢戲又好啦，我見識過佢係好俾心機去做每一場戲！
鮑姐冇脾氣
我會揀鮑姐（鮑起靜）！鮑姐戲好就所有人都知，但我見鮑姐係冇脾氣㗎，好懷疑佢究竟會唔會發脾氣呢？我冇正式同佢合作過，但私底下有好多次碰面，希望不久將來有機會合作！
鮑姐有感情
我好欣賞鮑姐！細個同家人睇過一套劇集叫《肥貓》，睇到流晒眼淚，雖然當時好細個乜都唔識，但都好 feel到入面鮑姐做媽媽嗰份情！之後其實好多戲同劇都有鮑姐，好多角色佢都演得好好，同埋真係入到人個心！
曾江係鬥士
我最欣賞 Ken哥（曾江）！佢最近拍番香港電影，贏好多獎，不禁要講三個字：好佩服！佢係一個鬥士，演戲好就一向都係，𠵱家仲去埋旅遊節目，我都好期待，好想睇下佢點樣爆粗呀！哈哈！
謝賢夠風趣
我最欣賞謝賢！《千王之王》！佢真係靚仔，又好戲，其實佢都係一個傳奇！同埋佢好風趣，風趣係一個男人好需要嘅嘢，不過唔係個個有，佢真係好勁，有佢在場就一定會令到大家都好開心！
街坊：周聰無人能及！
|
鍾意就快D Share啦！
|
|
|
