拍抗爭片身不由己 學舌鳥主腦：或者有一日我哋成功 [FACE - 418] MF,

24歲的游學修一直想做導演和演員，受去年雨傘運動影響而成立學舌鳥，學舌鳥所有影片都由他編劇。

爆 Like王

拍抗爭片身不由己　學舌鳥主腦：或者有一日我哋成功

學舌鳥又出新片，長達 10分鐘的《激戰獅子山》向半年前在獅子山掛「我要真普選」直幡的蜘蛛仔致敬，同時延續抗爭精神，學舌鳥主腦游學修做埋男主角，又請來男神王宗堯客串演出，當然成為話題。

游學修早前又為「雨傘節」演楝篤笑，言論卻被人誤會他自認「左膠」，最近更被人插借「雨傘」抽水！游學修其實是畢業於演藝學院電影電視編劇系，最初只想做個普通演員、導演，卻被政治洪流衝擊而決定為抗爭拍片，他直言係「身不由己」，但唔會係「左膠」囉！

早前李力持取笑港人唔知乜係「真普選」，游學修即扮李力持拍片，反笑他的《真係笑話》。 YouTube畫面

訪問期間巧遇「政改奸人組」，主張和平非暴力的游學修都忍唔住起腳踢到「奸人組」飛起。

在《激戰獅子山》游學修扮「香港蜘蛛仔」掛 banner，原來他只學了 5日攀石：「我以為自己會驚，但去到又 ok喎，嗰度真係獅子山懸崖嚟！」 YouTube畫面

F：《激戰獅子山》提到和平非暴力，𠵱家仲適用嗎？

游：喺獅子山掛 banner呢件事我覺得好鼓舞人心，我相信大家黃絲、反建制立場嘅人係好興奮嘅！我都係！所以想 recall番大家當日見到獅子山 banner嘅感覺咋嘛。雖然呢半年好多嘢令大家好洩氣，但係想有啲激勵囉。和平非暴力呢點係當時大家嘅想法嚟，今時今日已經過時，已經變成笑點你踢我一腳，我話喂我哋和平非暴力，其實係笑點，𠵱家（暴力抗爭）要睇情況，反水貨我都有去，嗰日喺商場（警察）噴晒胡椒噴霧，唔通我叫佢哋（示威者）唔好郁咩，梗係唔係

F：早前嘅「雨傘節」譭譽參半，你嘅「左膠」言論俾人誤會，需要澄清嗎？

游：「雨傘節」係想以藝術形式記錄番件事啫，我唯一唔鍾意係個名囉！個「節」字令人覺得係慶祝，其實主辦單位唔係想慶祝嘅！而我演講內容最核心方向係既然大家都反建制，唔應該互相指責；你鬧我「左膠」，索性認咗就唔使再拗落去，好似你鬧我弱智，我唔同你拗！但其實我冇認係弱智囉！

片中有王宗堯參與演出，劇情講男神現身都唔夠獅子山掛上「我要真普選」咁震撼。

游學修早前在「雨傘節」楝篤笑，他提議黃絲既然被人鬧係「左膠」，倒不如直認算數，無謂罵戰。

《狂舞派》導演黃修平上年拍攝《愛的根源》（暫名），游學修參加公開試鏡成功，在戲中飾演年青版林海峰。網上圖片

F：你之前拍咗《狂舞派》導演黃修平部新戲，但黃絲形象咁鮮明會唔會影響星途？

游：套戲係雨傘運動之前拍嘅，雨傘運動時導演都有出嚟講過嘢，所以大家理念相同，佢冇叫過我唔好搞咁多嘢，佢自己都有企出嚟啦，我諗佢大鑊啲，我估佢大鑊過我我𠵱家未見有咩影響，本來就 nobody啦，唔理得咁多。

F：點解會搞學舌鳥拍政治題材呢？

游：由細到大對電影幕後幕前都有興趣，上年年底搞咗學舌鳥，單純地認為係正確嘅事啫，講緊香港人關心嘅嘢；其實我想搞啲唔關政治嘅片，絕對想，只不過政治𠵱家太重要，初初扮陳浩南都冇出自己名，但慢慢行下行下已經身不由己啦，你話會唔會後悔咁又冇嘅！或者有一日我哋成功呢，成功咗我哋咪主流囉！到時驚嘅咪係嗰啲投共呀、建制嗰啲人囉！

鍾意就快D Share啦！

下一篇 》