上週三（ 21日），劉嘉玲出席個人投資、葛民輝設計的自家時裝品牌活動，對《 FACE》承認做咗關淑怡傾訴對象。
真面目
有偈傾 關淑怡午夜凶鈴求簽約 劉嘉玲：佢有情緒問題
有宗教信仰幾時都係好事，不過冇工開，仲等滿天神佛出手打救？梗係開口搵啲信徒教友打救仲快手！據悉關淑怡廿五週年紀念演唱會未開得成，連最抵得諗嘅經理人 Marianne都暫時唔做經理人，近日開始午夜凶鈴打俾密宗教友劉嘉玲傾前途、傾大計。
圈中密宗信眾，朝偉王菲嘉玲邱淑貞，隨口講幾個都係巨星中嘅巨星，不過論交際手腕、論圈中地位，仲要近年撈埋酒吧地產時裝名表化裝品同藝術品，識得𢱑梗係要搵嘉玲。邊個仲敢話關淑怡神化唔識諗？
關淑怡 SK每次話復出有搞作，都實有類似負面新聞傳出。姑勿論係真定被人抹黑，事實係 05年至今，經理人轉完又轉，繼大國文化、 Neway短暫合作冇下文後， 12年開始合作的 Marianne王敏慧又同關淑怡各走各路。形象已經欠穩定又難控制，社交更是 SK弱項，圈中朋友少得可憐，再冇埋 Marianne，說好的 25週年紀念演唱會，搞到 30週年嚟緊都能見度低，要養仔養自己， SK終於發力自谷。
「我做佢個垃圾桶！」
因為有共同宗教信仰，又有曾志偉等共同朋友，據悉關淑怡近日密密打俾忽然 friend咗的劉嘉玲，有時仲三更半夜傾唔斷氣，希望有自組公司念頭的嘉玲姐打救，求簽約旗下幫幫手。
上週四（ 21日），《 FACE》在活動上問嘉玲姐是否密密收 SK電話，嘉玲姐就話：「佢唔係成日，係有陣時會打嚟！（想你簽佢？）冇冇冇，從來都冇講過要（簽約），佢有陣時會搵我傾下偈，可能大家都係密宗……我點會幫到佢吖？佢都有好多自己嘅諗法，唔係工作，係私人情緒問題，搵個人、有個垃圾桶扔下，我做佢個垃圾桶。我好有耐性聽佢講嘢，講出嚟會舒服啲嘅！」
嘉玲姐有義氣又有財氣，搵葛民輝幫自家品牌設計都仆心仆命，仲親身幫手行埋騷，呢種垃圾桶又唔怕埋身喎！
ig得 4個圈中人
80年代同期出身歌手、又有幾隻大賣碟，個個今時今日都有一定江湖地位，亦都相識滿天下。唯獨曾經紅極一時嘅 SK，個個經理人合作完冇下文、圈中朋友亦冇幾個，以近 30年資歷嚟講，私人 ig賬號追蹤了近 180人，但當中的圈中人五隻手指已經夠數，關淑怡都算係經典。
25變 30
13年初翻唱〈陀飛輪〉又舉行兩場紅館個唱，關淑怡曾經言之鑿鑿將於翌年(14年)舉行出道 25週年紀念個唱，結果講講下又冇咗件事，實情 86年參加新秀，再拖明年已經係 SK出道 30年。
|
鍾意就快D Share啦！
|
|
|
