《加州大地震》
上映日期： 6月 4日
由蠍子王狄維莊遜瞓身主演的《加州大地震》，耗資 7.8億港元炮製災難特效，還以 3D製作，所以畫面逼真到得人驚。令觀眾在戲院觀看地動山搖場面更加震撼。
西區
蠍子王拯救 震散加州
上月尼泊爾發生 7.8級大地震，奪去接近 1萬人生命。天災有幾得人驚，唔使講都知，但荷里活每年均推出不少災難片。繼《明日之後》、《 2012末日預言》、《海嘯奇蹟》後，今年再推出《加州大地震》（ San Andreas）嚇吓你。
由「蠍子王」狄維莊遜主演的《加州大地震》，講述狄維莊遜帶住前妻逃離洛杉磯地震現場，四出尋找失散囡囡的驚險故事。片中狄維莊遜親身上陣，以不死之身上演多場亡命救人場面。由於電影公司耗資 7.8億港元炮製災難特效，因此《加》片被譽為今夏最強特技電影。
災難片《加州大地震》講述美國西岸的聖安德烈斷層在加州引發 9級大地震。地震過後救援直昇機師狄維莊遜，聯同前妻一起由洛杉磯，逃去三藩市拯救獨生女兒，期間衝破重重難關的故事。
1.災難片講求製作，今次《加州大地震》有乜幕後班底？
荷里活大電影公司華納出品的《加州大地震》，耗資 1億美元（約 7.8億港元）製作。災難片一向講求製作，今次就搵來炮製《地心探險記：世外秘島》的 Beau Flynn做監製，聯合經典災難片《明日之後》的美術總監負責美術創作，再加《復仇者聯盟》的特效監督炮製全片 CG效果，呢個鐵三角幕後陣容咁強勁，唔怪得《加》片被推舉為 2015十大必睇猛片之一。
2.男主角狄維莊遜拍《加》片差啲冇命？
大隻佬狄維莊遜從影以來，差不多每部戲都上演動作場面，不過狄維莊遜強調《加州大地震》是他一生中最多危險動作場面的電影。話說其中講他駕駛的直昇機失事吊在山隙中的一幕，就在他被吊在 300呎高的懸崖時，天空突然刮大風，把狄維吹到在空中盤旋，好彩工作人員見狀，即時將他放到地面，如果狄維被風吹到撞埋懸崖石角的話，肯定隨時喪命。
|
鍾意就快D Share啦！
|
|
|
