掃呢頁CODE去手機

2015年5月27日 星期三

激氣媽媽 被指賣女 家燕姐嬲爆 半邊仔王梓軒:好內疚 [FACE - 418] 王梓軒,薛家燕,家燕姐,家燕,MF,



報導出街後,為珊珊同王梓軒帶嚟唔少麻煩,唔少客戶都有問佢哋之間戀情,家燕姐唔忍心珊珊聲譽受損,仲開聲叫佢辭工唔好再做,不過珊珊就話:「始終只係一單新聞,希望讀者可以分到真偽。」

真面目

激氣媽媽 被指賣女 家燕姐嬲爆 半邊仔王梓軒:好內疚

「家燕女」石祐珊同王梓軒情侶關係撲朔迷離,最近有報導指王母為幫愛兒事業發展而棒打鴛鴦,仲話家燕媽媽都承認佢哋冇拍拖!

實情係家燕媽媽不滿愛女珊珊被唱成恨入豪門嘅港女,當時仲嬲到連直播訪問都取消埋!對於家燕媽媽睇完報導嬲到紮紮跳,王梓軒深存悔疚話:「當佢嘅好意遭受到委屈或侮辱性嘅嘢,我會好內疚!」

有米家底

王梓軒家底豐厚,老豆王英偉唔只係藝發局主席,更係全國人大代表,仲擁有三十多間公司,就連王梓軒現時所屬唱片公司 OMF都由老豆揼水,不過王梓軒就話公司𠵱家自負盈虧靠自己喎!

圖片

「家燕女」石祐珊身為王梓軒經理人,二人日見夜見傳出緋聞都係預料中事,有指珊珊幫完王梓軒慶祝生日,戀情慢慢浮面,不過最近王梓軒靠《華麗轉身》成功彈起,有家底嘅王家,深怕姊弟戀拖累愛兒發展而出力棒打。

嬲到做唔到直播

據知王梓軒憑《華麗轉身》精神病人一角彈起,同石祐珊戀情又再成為焦點,家燕姐睇完報導嬲到連電台直播都取消埋。

上週六( 23日),本刊撞見石祐珊同王梓軒合體出現,追問兩人有關傳聞時,珊珊說:「記者打電話畀媽咪,佢都澄清咗冇呢件事,報導出街之後,佢真係好唔開心,直頭連電台嘅直播訪問都做唔到。」問到二人戀情,石祐珊例牌否認:「我哋冇拍過拖!只係好好嘅朋友!」

對於搞到家燕姐唔開心,王梓軒滿帶歉意說:「家燕姐其實係唔關事嘅!佢一路都係好提攜我嘅前輩,呢樣嘢係值得大家欣賞嘅美德,但就唔牽涉任何利益,亦唔希望珊珊得到額外嘢,當佢嘅好意遭受到委屈或侮辱性嘅嘢,我會好內疚!我都有打電話畀佢,聽得出佢好着緊個女嘅聲譽!」

至於問到驚唔驚嚇走珊珊,王梓軒就好有信心咁話:「大家合作愉快係一種緣份,佢以前幫我做宣傳,然後慢慢再做 management,大家互相信任大家努力,呢樣唔變嘅話,無論係咩形式都會做得好!」至於會唔會考慮對方,珊珊就話:「唔會囉!」聽住先!

早前報導指王母簡美蓮唔只擔任所屬唱片公司 CEO,仲下令拆散王梓軒同珊珊,不過王梓軒就否認,仲話媽咪已經將大權交咗畀珊珊,而自己亦享有好大自由度,包括可以同圈中人拍拖。

圖片

家燕姐對住愛女被抹黑,聲譽嚴重受損,嬲到連直播訪問節目都無法做,珊珊仲好希望正在美國登台的家燕媽媽快啲回復心情。

圖片

王梓軒唔只先讓珊珊上車,仲好體貼幫佢關埋車門添!

接受完本刊訪問,珊珊同王梓軒亦唔避嫌行到附近的士站搭車,仲讓珊珊上車先,好「 gentleman」㗎!

入行 6年 神算王梓軒𤓓到出名!

王梓軒出道 6年,幕前作品唔算多,當中仲有唔少蝦碌場面,最為人印象深刻就要數到幫李逸朗計數一幕;而在《華麗轉身》精神病人一角就成功初露鋒芒,仲有份演出杜 Sir新戲《三人行》添!得閒撞下板,都一樣可以出位㗎!

電視畫面

3千變 3萬

王梓軒主持大台節目《兄弟幫》,其中一集嘉賓李逸朗自爆當年喺北京無工開,逼於無奈走去做抹大廈外牆玻璃幫補生計,人工一日百零蚊,王梓軒聽完即爆響口:「百零蚊一日,一個月都有三萬幾蚊。」隨即被網民封為「神算王梓軒」,暗寸佢計數了得。

電視畫面

入晒戲

王梓軒喺劇集《華麗轉身》飾演精神病人,演技都叫有突破,不過高登巴打就好似唔多 buy囉!

YouTube畫面

火坑乜乜乜

王梓軒主唱歌曲〈跳火坑〉,網民大彈歌詞,仲話成首歌只係聽到「 double double down」,直指首歌唔掂!

鍾意就快D Share啦!