掃呢頁CODE去手機

2015年5月27日 星期三

王梓軒有五億?家燕媽媽都有兩億啦! 王梓軒,薛家燕,家燕,





其他影片:>>






王梓軒係藝發局主席兼港區人大代表王英偉之子,家族身家逾五億。大家認識佢,係因為佢嘅神算:「一日$100,一個月都有$30000幾」

最近「王五億」又有代表作,包括佢喺剛播完劇集《華麗轉身》嘅演出,以及佢同家燕媽媽寶貝女兼經理人石祐珊嘅緋聞。之前家燕媽媽出席活動時,突然煞有介事向傳媒表示阿女冇同王梓軒拍拖。點解嘅點解嘅點解嘅點解嘅?(新聞連結: http://bit.ly/1LE9Oq6 )故事之後當然有後續,話王梓軒媽媽(又要溫馨提示一次,即係獲邀睇電影時向戲院職員展示身份話「我係王主席太太」要求調位嗰個),唔鍾意阿仔同石祐珊一齊。(新聞連結: http://bit.ly/1FSN06Z )

阿女俾人講到咁,家燕媽媽嬲到不得了,本來出名好脾氣嘅佢,見到段報道,激心到電台節目都做唔到,要休息半個鐘先至平伏到。未知是否王梓軒都唔想越傳越亂,故同石祐珊大方受訪,力證合作關係冇變,又盛讚石祐珊真係好幫得手,仲一支水兩份飲。王梓軒又話:「個報道話佢(石祐珊)大我三年,簡直侮辱佢,好hurt,佢大我一年半都冇。」

咁查實,王梓軒有五億(佢屋企),家燕媽媽都有兩億,財來自炒樓。早於1980年代已開始炒,之前專攻港島西半山,依家更拓展版圖去埋工廈,買磚策略但求穩打穩紮。今年二月,輕輕鬆鬆薛家燕受訪時閒談道:「我又做業主,啱啱喺觀塘區買咗個二千呎單位,準備做寫字樓。」問佢家陣物業係咪十隻手指數唔晒?佢就笑笑口話:「OK啦,大家上田土廳便查到。」

去年有報道幫家燕媽媽計過數,佢多年來主力進攻西半山樓盤,手持四項西半山物業,市值至少逾半億。過咗一年,樓價又翻了幾翻,計埋商廈投資,據知家陣嘅家燕媽媽,最少坐擁兩億!

王梓軒成功需父幹有五億,家燕媽媽靠自己都有兩億,仲會好似雪 球咁越滾越大。所以家燕媽媽點解咁嬲,係有原因嘅。

石祐珊微博
一日$100,一個月都有$30000幾
鍾意就快D Share啦!