志雄哥掟咪：埋身畀我打死
昨日本報獨家披露「大佬B」吳志雄（志雄哥）日前於內地登台遇襲，並現身派出所報案，之後志雄哥再詳述當時情況，指當日確有醉漢對他有所動作，但他沒被打到，並說：「如果真係埋到我身，畀我打死咗」他又指看在對方妻女份上，故不予追究。
曾是江湖中人的志雄哥近年集中火力在內地登台搵銀，日前因簽了約要到溫州酒吧做騷，故缺席新片《壹獄壹世界》的首映禮，未料此行卻惹來麻煩不快事！
飯局照報平安
前日網上流傳兩條視頻，第一條只見在台上唱歌的志雄哥遭人「騷擾」，他憤然掟咪兼大聲說：「我是來演出的，兄弟，不是來陪酒的。整酒幹嘛？」第二條則見志雄哥現身派出所報案：「我不知道他是不是喝醉，不是喝醉就可以打人，是吧？……那個先生衝過來打我一拳……你們酒吧給我一個交代……我都是個名人，我是一個大明星，很多香港演員都是我捧紅……」顯然怒氣未消！
前晚志雄哥回覆記者查詢時，否認傳聞指稱「沒有事情發生過」，之後又於微博上載飯局照「報平安」，並多謝大家關心。惟經本報獨家披露事件後，引起廣泛回響，昨日吳志雄再詳述當時情況，亦承認登台期間有醉客對他有所動作，但最終被保安制服。其後本報記者再與他聯絡，談到前晚受訪時何以否認其事，志雄哥解釋說：「我嘅否認係話自己冇畀人打到。」
舉手有個動作
志雄哥強調事發由始至終，自己未有受傷：「我都會畀人打到？唔係呀？我健步如飛，打泰拳幾十年，打到我都真係有料嘞！佢乜都打唔到，如果真係埋到我身，畀我打死咗」談及當時情況，志雄哥指粉絲太熱情，有人拉他下台陪酒，混亂間少不了肢體碰撞：「我係唱歌唔係陪酒嘅，我掟埋咪囉，想點呀？喺農村地方搭個棚就係酒吧，一大堆人喺度玩，見到偶像好興奮好激動……佢唔係有心打我，係舉手有個動作啫，一啲都揩唔到我。」
道咗歉唔追究
至於派出所內的視頻，志雄哥直認片中人是自己，及講過「大明星語錄」：「最終嗰個人捉咗去派出所啦，公安嚟叫我認人，我認得係佢，佢醉咗但冇打到我，佢老婆同個女向我道歉，咁我唔追究嘞，希望佢第二日飲少啲酒啦。」志雄哥又形容「意外」發生並沒有影響其心情：「返到香港照約人飯局，今日又走咗去歎茶，總之多謝大家關心」
文：影視組
|
鍾意就快D Share啦！
|
|
|
