摸酒杯底
崔碧珈主動認識咗呢位年青醫生，即刻精神晒！
真面目
夜蒲雙嬌 導彈滿場飛 Jeana低 V崔碧珈鬥 mark醫生
電影《壹獄壹世界》週日（ 24日）舉行首映，之後主辦單位好窩心咁為嘉賓搞咗個 after party；戲中幾乎係唯一女主角嘅崔碧珈同死黨 Jeana（何佩瑜）都有去 party，兼且唔放過任何結識朋友嘅機會，仲好有目標咁集中火力向啲醫生埋手添！
Jeana同年紀大一截嘅醫生咬晒耳仔傾密偈，崔碧珈亦同另一醫生互隊香檳好開心，各自各精彩啦。
擁有 36E超勁身材嘅崔碧珈係《壹獄壹世界》唯一女主角，週日搞首映當然有到場啦。當晚首映後她亦隨大隊到銅鑼灣霎東街 after party，仲叫埋老友 Jeana一齊去。
頻咬耳仔
Party現場除咗藝人之外，電影公司亦請咗好多名人賓客。自從飛甩栢芝細佬張栢文後， 2年來未有固定男伴的 Jeana，一到場即刻滿場飛，又主動聊一名中年醫生傾偈， Jeana拉了幾次對方的手，身體又傾前不斷靠向中年醫生，中年醫生也有所反應，兩度搭住 Jeana膊頭咬耳仔密斟，一直玩到凌晨 3點， Jeana同該醫生才先後離去。
而回港幾年一直單身未有男友嘅崔碧珈（ Anita）都唔輸蝕，鬼妹仔性格結識異性賓客話咁易，但佢竟然同 Jeana一樣𥄫中一名四眼醫生，不過明顯後生好多；崔碧珈同醫生似乎相當投契，不時碰杯示好，不過四眼醫生都幾好定力，面對樣靚身材勁嘅崔碧珈都規規矩矩冇多手多腳。
溝完醫生撩奀星
除咗撩醫生，當晚低 V崔碧珈亦發足電，轉而向班奀星藝員發功，轉頭就搭上大台港男奀星許家傑，本來傾得好地地，許家傑仲拎出手機同崔碧珈合照添，但係好快又散 band，可能醫生級啱「崔 big瓜」口味啲啩！
同奀星好好傾
藝員仔許家傑似乎對崔碧珈甚有意思，拎出手機來個合照，可惜神女冇心呢。
接棒！新性感肉女
崔碧珈喺英國中央蘭開夏大學學士畢業， 3年前回港認識黃柏高而留港發展，簽約太陽娛樂文化成為藝人；因為擁有 36E嬌人身材而經常有性感演出，拍過《喜愛夜蒲 2》、《溝女不離三兄弟》同未上映嘅《辣警霸王花》；新片《壹獄壹世界》更幾乎是唯一女主角。
|
鍾意就快D Share啦！
|
|
|
