掃呢頁CODE去手機

2015年6月18日 星期四

等咗三年  Adidas將 Sammi據為己有 [壹週刊 - 1319] Sammi,許冠傑,Sam,鄭秀文,M1,



事隔兩年,品牌終於搵到 Sammi做運動服代言,銷量隨時節節上升。

探熱針

等咗三年  Adidas將 Sammi據為己有

多年來,鄭秀文 keep住「八公里小姐」(日跑八公里)的習慣,形象健康!運動品牌 Adidas早前搵 Sammi拍平面廣告試水溫,見反應理想,於是玩大佢!特別抽出一個從未用過任何代言人的運動服系列,由 Sammi做生招牌,正式將天后收歸旗下。

據為己有

娛圈中跑得嘅,除咗肯亞徐(徐濠縈),還有 Sammi鄭秀文;因為有日跑八公里習慣,而被稱「八公里小姐」,更成為跑鞋的代言人。

兩年前, Sammi同跑鞋合約完結,經過半年過冷河後, Adidas敲門,並先後兩次合作平面廣告,由於反應出乎意料的好,加上 Sammi不時將著住品牌服裝相片上載社交網站,令雙方關係更上一層樓。

去年,品牌贊助「 Touch Mi鄭秀文巡迴演唱會」所有運動服後,便決定要設法將天后「據為己有」。

「之前幾次同 Sammi合作都好愉快,個 brand都知如果唔 hold實 Sammi,隨時會俾競爭對手撬走,但唔同 line嘅代言都已經續新約,所以就決定搵一條從來冇搵過代言嘅 line俾 Sammi做。」一名廣告中介公司職員透露。

據了解,品牌考慮到 Sammi有大批 OL粉絲,於是特別抽出一條主打 OL市場的運動服,作為 Sammi的代言系列。

Sammi傾力合作,不時著住品牌服飾自拍放社交網站。

同 Sammi拍過《失戀急讓》的張家輝,去年底成為品牌男裝的代言人。

去年底品牌贊助 Sammi演唱會台前幕後運動衫,間接促成雙方合作。

貪新鮮

上月, Sammi做完好老婆,陪許志安完成「 Come On演唱會 2015」後,隨即開行 turbo投入工作,連跑個唱巡迴澳門及雲頂兩站,緊接埋位內地電影《婚前合約》。

昔日對手離不開劉華、古仔同青雲的 Sammi,近年積極換拍檔求突破,繼張家輝同 Sam哥吳鎮宇後,新片同年紀細一截的台灣男星張孝全合作,夠晒新鮮!

Sammi近日正忙於在廣州同張孝全合拍新片《婚前合約》。

為了在電影方面有突破,近年 Sammi不斷與不同對手合作,去年底便夥拍 Sam哥合作《衝上雲霄》電影版。

過去兩個月 Sammi主力做人妻,陪老公許志安開演唱會。

近日再度投入工作的 Sammi,早前到澳門做巡迴演唱會。

Sammi夠正面,有人氣,加上嗜愛跑步,自然成為運動品牌羅致的對象。

鍾意就快D Share啦!